Áleýmettik jelilerde polısııa qyzmetkerleri er adamdy kúshpen ustap jatqan sát túsirilgen beınejazba tarady. Oqıǵaǵa qatysty Mańǵystaý oblystyq polısııa departamenti túsinikteme berdi, dep habarlaıdy Egemen.kz.
Jeli qoldanýshylary kadrdaǵy azamatqa kúsh qoldanylǵanyn jazyp, rezonans týdyrdy. Vedomstvo málimetinshe, 6 mamyr kúni Aqtaý qalalyq polısııa basqarmasynyń arnaıy qabyldaý ornynda ákimshilik quqyq buzýshylyq jasaǵany úshin 15 táýlikke qamalǵan azamat mekemeniń ishki tártibin buzǵan. Sondaı-aq ol polısııa qyzmetkerleriniń zańdy talabyna baǵynbaı, agressııa tanytqan.
«Áleýmettik jelilerde taraǵan kúsh qoldaný týraly aqparat shyndyqqa sáıkes kelmeıdi. Polısııa qyzmetkerleriniń zańsyz áreketteri rastalǵan joq», dep habarlady vedomstvo.
Qoǵamdyq oryndarda tumshalanyp júrý: Almaty polısııasy daýly vıdeoǵa qatysty málimdeme jasady
Osy fakti boıynsha azamatqa QR Ákimshilik quqyq buzýshylyq týraly kodeksiniń 667-baby – quqyq qorǵaý organy qyzmetkeriniń zańdy talabyna baǵynbaý deregi boıynsha hattama toltyrylǵan.
Jelide taraǵan vıdeodaǵy jigit áskerge óz erkimen bara jatqanyn aıtty
Qazirgi tańda materıal sotqa joldanǵan.
Nurbolat AMANBEK