Astanada Parlament Májilisiniń jalpy otyrysy ótip jatyr. Jıynda birqatar mańyzdy zań jobalary qaralady. Kún tártibine ekonomıkalyq, quqyqtyq jáne áleýmettik salalardy qamtıtyn birqatar ózgerister engizý usynylǵan qujattar engizilgen, dep habarlaıdy Egemen.kz.
Atap aıtqanda, birinshi oqylymda:
«Qazaqstan Respýblıkasynyń Salyq kodeksine ózgerister engizý týraly» zań jobasy; «Notarıattyq qyzmet máseleleri boıynsha zańnamalyq aktilerge ózgerister men tolyqtyrýlar engizý týraly» zań jobasy; «Mashına jasaýdy damytý máseleleri boıynsha zańnamalyq aktilerge ózgerister men tolyqtyrýlar engizý týraly» zań jobasy; «Áskerı qyzmetshilerdiń quqyqtyq jaǵdaıyn jetildirý, qorǵanys jáne áskerı qyzmet máseleleri boıynsha ózgerister men tolyqtyrýlar engizý týraly» zań jobasy qaralady.Ekinshi oqylymda:
«Saılaýdy jetildirý máseleleri boıynsha ózgerister men tolyqtyrýlar engizý týraly» zań jobasy; «Ákimshilik quqyq buzýshylyq týraly kodekske ózgerister men tolyqtyrýlar engizý týraly» zań jobasy; «Atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasy talqylanady.Qujattar memlekettik basqarý júıesin jetildirý, quqyqtyq retteýdi jańartý jáne túrli salalardaǵy tıimdilikti arttyrý maqsatynda qaralyp otyr.
Eske sala keteıik, buǵan deıin Parlament Palatalarynyń birlesken otyrysynda alty Konstıtýsııalyq zań jobasy qabyldanǵan bolatyn.