Májilis notarıat salasyna baǵyttalǵan zań jobasyna ózgertýler engizdi. Zańǵa engizilgen túzetýlerge sáıkes, azamattarǵa alıment qarajatyn qabyldaý úshin bankte arnaıy bólek shot ashý múmkindigi beriledi. Bul shottaǵy qarajatqa sot oryndaýshylary tarapynan shekteý qoıýǵa jol berilmeıdi, dep habarlaıdy Egemen.kz.
Sonymen qatar atqarýshylyq qujattardyń jekelegen sanattary boıynsha jeńildetilgen óndiris qoldaný keńeıtiledi. Atap aıtqanda, aıyppuldar men salyqtyq bereshekter boıynsha óndirip alý shegi 20 AEK-ten 40 AEK-ke deıin ulǵaıtylady.
Budan bólek, boryshkerlerdi baspanasynan májbúrli túrde shyǵarý týraly aldyn ala habarlama mindetteledi.
«Túzetýlerde boryshkerdi baspanasynan májbúrli túrde shyǵarý týraly aldyn ala keminde 10 kún buryn habarlaý mindeti engiziledi. Bul azamattarǵa kóshýge jáne turǵyn úı máselelerin sheshýge múmkindik beredi», delingen Májilis habarlamasynda.
Májilistiń jalpy otyrysynda qandaı máseleler qaralady?
Sondaı-aq zań jobasynda merzimi ótken atqarýshylyq qujattar boıynsha barlyq májbúrleý sharalary toqtatylatyny qarastyrylǵan. Buǵan qosa, óndiristi aıaqtaǵan sot oryndaýshysyna basqa oryndaýshylar salǵan tyıymdardy alyp tastaý quqyǵy beriledi.
Sondaı-aq Májilistiń jalpy otyrysynda qyzmet alýshylardyń jeke derekterin negizsiz paıdalanǵan notarıýstar lısenzııasynan aıyrý týraly zań jobasy qabyldandy.