Almaty polısııasy ál-Farabı dańǵylyndaǵy rezonans týdyrǵan jol-kólik oqıǵasy boıynsha tergeýdi aıaqtady. Endi is sotqa joldandy, dep habarlaıdy Egemen.kz.
Qaza tapqan 29 jastaǵy Mercedes júrgizýshisiniń týystarynyń múddesin qorǵaıtyn advokat Oleg Chernov aldyn ala sot otyrysy 28 mamyr kúni saǵat 15:00-de Almaty qalasynyń qylmystyq ister jónindegi mamandandyrylǵan aýdanaralyq sotynda ótetinin málimdedi.
Advokattyń aıtýynsha, sotqa deıingi tergeý tolyq aıaqtalǵan. Ol Almaty qalalyq polısııa departamenti qyzmetkerlerine isti jedel ári obektıvti tergegeni úshin alǵys bildirdi.
Buǵan deıin qorǵaýshy aıyptalýshy taraptyń qaza tapqan Elamannyń týystarymen tatýlasýǵa áreket jasaǵanyn aıtqan. Alaıda marqumnyń otbasy bul usynystan bas tartqan.
Ál-Farabı dańǵylyndaǵy oqıǵadan keıin Almatyda jol qaýipsizdigi kúsheıtildi
Eske salaıyq, qaıǵyly jol apaty 21 naýryzǵa qaraǵan túni Almatydaǵy ál-Farabı dańǵylynda bolǵan. Apat saldarynan Mercedes júrgizýshisi jáne kóliktegi 20 jáne 22 jastaǵy eki qyz qaza tapty. Resmı emes málimetter boıynsha, Zeekr kóligi taǵy bir avtokólikpen jarysqan bolýy múmkin.
Atalǵan fakti boıynsha qylmystyq is qozǵaldy. Tergeý barysynda Zeekr júrgizýshisiniń jol apaty kezinde jeńil dárejedegi alkogoldik mas kúıde bolǵany anyqtalǵan. 7 sáýirde ol tergeý ızolıatoryna jetkizilgen.