Oqý-aǵartý mınıstriniń buıryǵymen 2025-2026 oqý jylyndaǵy qorytyndy attestasııany ótkizý tártibi bekitildi, dep habarlaıdy Egemen.kz.
Mınıstrliktiń málimetinshe, 9-synyp oqýshylary úshin qorytyndy emtıhandar 29 mamyr – 11 maýsym aralyǵynda ótedi. Olar mindetti pánder boıynsha tórt jazbasha emtıhan tapsyrady. 11-synyp túlekterine arnalǵan memlekettik emtıhandar 2 maýsym – 15 maýsym aralyǵynda ótedi. Oqýshylar bes emtıhan tapsyrady, onyń biri aýyzsha formatta ótkiziledi.
UBT-2026 jáne 1 synypqa qabyldaý: 1 mamyrdan bastap Qazaqstanda ne ózgeredi?
Negizgi jáne jalpy orta bilim týraly attestattardy tapsyrý saltanaty bilim berý uıymdarynda 17-18 maýsym aralyǵynda ótedi.
«Attestat tapsyrý is-sharasy mektep basshysynyń buıryǵy negizinde, ata-analar komıtetimen kelisý arqyly mektep ǵımaratynda ótkiziledi», delingen habarlamada.
Eske salaıyq, buǵan deıin birinshi synypqa qujat qabyldaý merzimi bekitilgeni týraly habarlaǵanbyz.