El azamattary endi jeke kásipkerlik ataýyn memlekettik organdarǵa barmaı-aq onlaın ózgerte alady. Jańa qyzmet tolyq sıfrlandyrylyp, birneshe mınýt ishinde rásimdeledi, dep habarlaıdy Egemen.kz.
Uchet.kz málimetinshe, kásipkerler tirkeý derekterin eLicense.kz portaly nemese keıbir ekinshi deńgeıli bankterdiń mobıldi qosymshalary arqyly jańarta alady.
Qyzmetti paıdalaný úshin kásipker portalǵa elektrondy sıfrlyq qoltańba nemese SMS-parol arqyly kirýi qajet. Odan keıin jeke kásipkerliktiń tirkeý derekterin ózgertý qyzmetin tańdap, jańa ataýdy engizedi. О́tinish elektrondy qoltańbamen rastalyp, avtomatty túrde memlekettik kirister organdaryna joldanady.
Kásipkerler salyq rejimin tańdady
Júıe ótinishti teksergen soń, jańartylǵan málimetter memlekettik derekter bazasynda avtomatty túrde ózgertiledi.
Tirkeý derekterin jańartý tártibi Qazaqstannyń Salyq kodeksiniń 80-babyna sáıkes júrgiziledi. Zań boıynsha kásipkerler tirkeý derekteri ózgergen jaǵdaıda bul týraly 10 jumys kúni ishinde habarlaýǵa tıis.
Alaıaqtyq tyıylmaı tur: Jeke kásipker jazyqsyz jaza arqalady