Qarjylyq monıtorıng agenttiginiń Jambyl oblysy boıynsha departamenti «ENVIDA AI» ataýymen jumys istegen qarjy pıramıdasyn qurý jáne oǵan jetekshilik etý deregi boıynsha sotqa deıingi tergep-tekserý júrgizip jatyr, dep habarlaıdy Egemen.kz.
Tergeý málimetine sáıkes, joba uıymdastyrýshylary WhatsApp messendjerinde «Envida ai ejednevnyı passıvnyı dohod» jáne «Envida ai sýper novyı proekt ejednevnyı passıvnyı dohod» ataýymen toptar ashyp, azamattardy joǵary ári turaqty tabysqa ýáde berý arqyly tartqan.
Jobanyń marketıngtik júıesi kópdeńgeıli shemaǵa qurylǵan. Negizgi tabys jańa qatysýshylardyń salymy esebinen qalyptasyp otyrǵan.
Uıym ózin naqty aktıvterge ınvestısııa salatyn halyqaralyq ekojúıe retinde tanystyrǵan.
900-den astam salymshy aldanǵan: Shymkentte jasyryn qarjy pıramıdasy áshkerelendi
Tergeý barysynda qarjy pıramıdasyna 370-ten astam salymshy tartylǵany anyqtaldy. Olardyń qatarynda Aqtóbe, Atyraý, Qyzylorda, Pavlodar, Túrkistan oblystary men Almaty qalasynyń turǵyndary bar.
«Qazirgi ýaqytta tergeý amaldary jalǵasyp jatyr. Qylmystyq-prosestik kodekstiń 201-babyna sáıkes ózge aqparat jarııa etilmeıdi», delingen habarlamada.
Sonymen qatar Qarjylyq monıtorıng agenttigi azamattarǵa qarjy pıramıdalarynyń belgilerin anyqtaýǵa múmkindik beretin «Baiqa, piramida!» Telegram-boty jumys isteıtinin eske salady.
Buǵan deıin Kooperatıv atyn jamylǵan qarjy pıramıdasy týraly jazylǵan.