Elimizdiń soltústigi men ońtústiginde jáne ońtústik-batysynda atmosferalyq fronttardyń ótýine baılanysty aldaǵy kúnderi aýa raıy qubylmaly bolady, dep habarlaıdy Egemen.kz
«Qazgıdromet» málimetinshe, shyǵys aımaqtarda túngi ýaqytta qar aralas jańbyr jaýýy múmkin.
23 mamyr kúni Túrkistan, Almaty jáne Jambyl oblystarynda qatty jańbyr jaýyp, burshaq túsýi múmkin. Sondaı-aq ekpindi jel kútiledi.
24-25 mamyr aralyǵynda elimizdiń ońtústik-shyǵysyndaǵy taýly aýdandarda túngi ýaqytta jańbyrdyń sońy qarǵa ulasýy yqtımal.
Respýblıkanyń ózge óńirlerinde negizinen jaýyn-shashynsyz aýa raıy boljanyp otyr. Degenmen el aýmaǵynda jel kúsheıip, ońtústikte shańdy daýyl turýy múmkin. Túngi jáne tańǵy mezgilde tuman túsedi.
Qazaqstannyń 16 oblysynda aýa raıyna baılanysty eskertý jarııalandy
Sınoptıkter soltústik-shyǵys, shyǵys jáne ortalyq oblystarda túnde 1-3 gradýs úsik bolýy múmkin ekenin eskertti.
Al kúndizgi aýa temperatýrasy birtindep joǵarylaıdy:
batysta +28…+35°S, soltústikte jáne ortalyqta +20…+32°S, shyǵysta +17…+25°S, ońtústikte +22…+35°S, ońtústik-shyǵysta +20…+28°S deıin kóteriledi.