Qazaqstanda QR-kod arqyly satýshylarǵa shaǵym joldaýǵa múmkindik beretin pılottyq joba engiziledi. Bul týraly Tutynýshylardyń quqyqtaryn qorǵaý komıtetiniń tóraǵasy Bolat Tanabergenov málimdedi, dep habarlaıdy Egemen.kz.
Komıtet tóraǵasynyń aıtýynsha, buǵan deıin shaǵymdy alǵash ret elemegen kásipkerlerge eskertý ǵana jasalsa, endi mundaı quqyqbuzýshylyq úshin birden aıyppul salynady.
«Árbir satýshynyń saýda ornynda QR-kody bolýy kerek. Eger chekke qatysty suraqtar týyndasa, satyp alýshy sol kod arqyly Memlekettik kirister departamentine shaǵym jibere alady. Biz osy QR-kod arqyly tutynýshy satýshynyń ózine tikeleı shaǵym joldaı alatyndaı júıe engizýdi josparlap otyrmyz. Kóp jaǵdaıda býtıkterde satýshylar jumys isteıdi, al býtık ıesi taýar satý kezinde qandaı zańbuzýshylyqtar bolyp jatqanyn bilmeýi múmkin», degen Bolat Tanabergenov pılottyq joba tolyq daıyn bolǵan kezde resmı túrde tanystyrylatynyn aıtty.
Almatyda zańsyz saýda nysandary jappaı súrilip jatyr
Eske sala keteıik, buǵan deıin elimizde donorlyq prosedýralardy baqylaýǵa arnalǵan QR júıesi engizilgen bolatyn.