ASTANA. 1 naýryz. Máskeýde polıseıler belgili saıasatker Borıs Nemsovty óltirýshi kıllerdiń sózben jasalǵan portretin kýálardyń aıtýlary boıynsha jasap shyqty. Bul týraly «Pravda.Rý» habarlady.
Sol kúni túnde Nemsovtyń janynda bolǵan 23 jasar ýkraın qyzy, model Anna Dýrıskaıa men kýáger Vıktor M. tergeýge túsindirme berdi. Osydan keıin polıseıler oppozısıonerdi atyp óltirýshiniń syrtqy kelbetin sýrettep kórdi. «Olar kisi óltirýshiniń keskin-kelbetin sýrettep berdi», - dep habarlaıdy LifeNews.
Kıllerdiń boıy 170-175 santımetr keledi, denesi ádettegideı, shashy qara, qysqartylyp alynǵan. Ústinde kók tústi djınsy shalbary men qońyr tústi svıteri bolǵan.
Kisi óltirýshini kýáger Vıktor M. este saqtap qalypty. Ol Borıs Nemsovty qutqarýǵa birden umtylǵan. Al Anna Dýrıskaıa esinen tanyp qalǵasyn, oıyna eshteńe saqtap qala almaǵanyn aıtqan.
Tergeý qazir osyǵan oraı Borıs Nemsovty óltirýshilerdiń keń aýqymdy versııalaryn qarastyryp jatyr. RF tergeý komıtetiniń resmı ókili Vladımır Markın qylmyskerlerdi mundaı qadamǵa barýǵa ıtermelegen bes túrli boljamnyń bar ekenin aıtady. Tergeýshiler beınebaqylaý kamerasynyń jazbalaryn muqııat zertteý ústinde.
Aqpannyń 27-si, juma kúni túnde Máskeýdiń ortalyǵynda Reseı saıasatkeri Borıs Nemsov Kremlge taıaý mańda qydyryp júrgeninde atyp óltirildi. 55 jastaǵy oppozısıonerge atylǵan oqtardyń tórteýi onyń denesine tıgen. Onyń janynda kele jatqan qyz zardap shekpegen. Oqıǵa túngi 23:40 shamasynda bolǵan.
Qazir osy oqıǵaǵa baılanysty tekserý júrip jatyr.
Murat Aıtqoja.