Aqmola oblysynyń Birjan sal aýdanynda paıdalanylmaı jatqan aýyl sharýashylyǵy jerlerin memleket menshigine qaıtarý jumystary jalǵasyp jatyr. Prokýratýranyń málimetinshe, sońǵy bir jarym jylda jalpy kólemi 26 myń gektardan asatyn jer telimderi memleket qoryna ótkizilgen, dep habarlaıdy Egemen.kz.
Aýdanda jaıylymdyq jáne egistik jerlerdiń jetispeýshiligi ózekti másele bolyp otyrǵandyqtan, prokýratýra ótken jyldan beri maqsatsyz paıdalanylyp jatqan aýmaqtardy anyqtaýǵa baǵyttalǵan arnaıy jobany júzege asyryp keledi.
Prokýrorlyq qadaǵalaý nátıjesinde 2025 jyly memleket menshigine 23 myń gektardan astam paıdalanylmaı jatqan aýyl sharýashylyǵy jeri qaıtaryldy. Al bıylǵy jyldyń ózinde kadastrlyq quny 20 mıllıon teńgeden asatyn 3,5 myń gektardan astam jaıylymdyq jer memleketke ótkizildi.
Ile Alataýynyń taý bókterindegi jer telimi memleketke qaıtaryldy
Atap aıtqanda, «Nan-Jer» JShS-dan 1 412 gektar jer qaıtarylsa, «Baımyrza-Agro» JShS 2 150 gektar jaıylymdyq alqapty óz erkimen memleket menshigine bergen.
Prokýratýra jergilikti atqarýshy organdarǵa qaıtarylǵan jerlerdi turǵyndar men kásipkerlerdiń ıgiligine berý boıynsha tıisti jumystar júrgizýdi tapsyrdy.