ASTANA. 29 maýsym. Adamnyń densaýlyǵyna zııan keltirip, tez qartaıtyn taǵamdar tizimi jarııalandy. Bul týraly «Ana bol» saıty habarlady.
Atalǵan saıt habarlamasynda adam aǵzanysa zııan keltiretin taǵamdar tizimi jarııalanǵan.
Qant
Aǵzadaǵy qant mólsheriniń kóptigigi hımııalyq reaksııany toptastyrady. Stress tózimdilikti azaıtady, qartaıý úderisin ulǵaıtady. Eger sizdi únemi táttige tartyp turatyn bolsa, hrom, marganes, magnııi bar taǵamdar (daqyldar, asqabaq) jeńiz. Aǵzadaǵy bir mıneraldyń jetispeýiniń ózinen sizdiń táttige qumarlyǵyńyz artady. Qant ornyna odan da táttirek, zııany joq stevııany qoldanyp kórgen jón.
Kofe
Tez sergitetin hosh ıisti sýsyn kofe zııandy taǵamdar qatarynda. Ol teriniń qurǵaýyna alyp kelip, ájimniń erte shyǵýyna sebepker. Eger, odan bas tarta almasańyz mólsherin azaıtýǵa tyrysyńyz. Aǵzańyzdaǵy balans qalpyn buzyp almaý úshin kofeni ár ishkennen keıin 3 staqan sý iship otyrǵan durys.
Spırtti ishimdikter
Eń zııan azyqtyń aldyńǵy qatarynda alkogol tur. Ájim, teriniń qurǵaýy, bet terisiniń qaraıýy bári-bári ishimdikke degen qumarlyqtyń kesirinen. Aǵza alkogoldi ý retinde qabyldaıdy jáne odan tez qutylýǵa tyrysady. Spırtti ishmidikter densaýlyqqa keri áser bergenimen qoımaı, S, E syndy terini saqtap turatyn dárýmenderdi joıady.
Tuz
Aǵzaǵa tuz kerek, alaıda, kúnine 1,5 gramnan kóp paıdalanbaǵan durys. Tuzdy mólsherden tys paıdalaný sýdyń aǵzada qortylýyna keri áserin beredi. Sondyqtan da, kózdiń asty isinip, qapshyq tárizdi bolyp qalady. Onyń ornyna basqa dámdeýishterdi paıdalanyp, salatty lımon syǵyndysymen de ázirleýge bolady.
Grılde ázirlengen taǵam
London ǵalymdarynyń aıtýynsha, grıl taǵam teriniń tez qartaıýyna alyp keledi. Grılde daıyndadǵan taǵamda zııandy molekýlalar paıda bolady. Onyń zııany dál qýyrylyp jatqandaǵyndaı bolady eken. Sondyqtan da organızmge zııan bolmasyn deseńiz rasıonda buqtyrylǵan, qaınatylǵan taǵamdar bolǵany durys. Olardyń densaýlyqqa paıdasy mol.
Talǵat Raıymbek.
Derek: ana bol.kz.
Sýret: alashainasy.kz.