Atyraý – jer astyndaǵy munaıymen, sý aıdynyndaǵy balyǵymen tanymal óńir. Buryn munda jylyjaı ashqandar kóp emes edi. Biraq keıingi jyldary osy ádispen ónim ósirýge bet burǵandar bar.
Jylyjaıda ónim ósirýdi qolǵa alǵandardyń biri – Zúlfııa Qazımova. Buryn bul ispen aınalysyp kórgen emes. Budan úsh jyl Máskeýge baryp, jylyjaı sharýashylyǵynyń qyr-syryn ábden meńgerip keldi. Elge oralǵan soń, avtomattandyrylǵan sýarý júıesi bar jylyjaıda jasyl japyraqty óskin ósirýdi qolǵa aldy. Bul – túrli salatqa qoldanylatyn japyraq. Bıyl onyń tórt myń kóshetin ekti.
«Salat japyraǵyn ósirý ońaı is emes. Bul isti qolǵa alǵan kezde sý sapasyna baılanysty qıyndyqqa tap boldyq. О́ıtkeni sýdaǵy hlorıd mólsheri joǵary bolǵandyqtan, ónim kólemi azaıdy. Sol sebepten sýdy tazartatyn jańa qurylǵylar satyp aldyq. Qazir jylyjaıda zııandy qospalardy súzgiden ótkizetin «Osmos» júıesi ornatyldy. Gıdroponıka ádisin qoldanamyz. Ár jeliniń astynda qorektik eritindi quıylǵan arnaıy ydys bar. Sol ydystaǵy eritindini saǵat saıyn jańartyp otyramyz. Tuqym kún saıyn egiledi. О́nimdi 29–30 kúnnen keıin alamyz», deıdi Z.Qazımova.
Onyń aıtýynsha, jylyjaıda salat japyraǵynyń bes túri ósiriledi. Kún saıyn 500-ge jýyq qaptamaǵa japyraq salynady. Al aı saıyn 1 tonna ónim daıyndalady. Bıyl bir qaptamadaǵy japyraq baǵasy – 1000 teńge.
«Ázirge óndiris kólemi shaǵyndaý bolyp tur. Endi aldaǵy ýaqytta «Damý» qorynyń kómegimen jylyjaı aýmaǵyn 350 sharshy metrge jetkizýdi josparlap otyrmyz. Sol kezde segiz qabatty júıe bolady. Bul Atyraý qalasy turǵyndarynyń suranysyn tolyq qamtamasyz etýge qol jetkizemiz», deıdi atalǵan jobanyń seriktesi Erbol Berdibaev.
Atalǵan jylyjaıdy iske qosqan Zúlfııa Qazımovanyń aıtýynsha, qazir munda alty adam jumys isteıdi. Olar daıyndaǵan salat japyraǵy 20 saýda ornyna jetkiziledi.
Al «О́rleý» jeke kásipkerliginiń ıesi Qýanysh Iаkýdınniń aıtýyna qaraǵanda, jergilikti klımatqa beıimdelip, ósirilgen jemis túrlerine suranys artyp otyr. Sol sebepten agrokeshendegi jylyjaıda qulpynaı ósirile bastady. Bıyl munda qulpynaıdyń úzdiksiz ónim beretin «Albıon», «Mýrano», «Kabrıllo» túrleriniń 2000 túbi egilgen.
«Bul jobany «Aýyl amanaty» baǵdarlamasy aıasynda iske qostyq. Bastapqyda jylyjaıda tájirıbe jınaý maqsatynda 200 túp qulpynaı ekken edik. Keıin kóbeıte bastadyq. Aldaǵy josparymyz – jylyjaıdyń aýmaǵyn keńeıtip, kóshet sanyn 4000 túpke jetkizý. Daıyn ónimdi áleýmettik jelidegi paraqshamyz arqyly turaqty tapsyrys berýshilerge usynyp kelemiz», deıdi Q.Iаkýdın.
Atyraý oblysy