PETROPAVL. 2 naýryz. Soltústik Qazaqstan oblystyq sotynyń tóraǵasy Muratǵalı Áketaı Prezıdenttiń 2015 jyldyń 18 aqpanyndaǵy Jarlyǵymen taǵaıyndalǵan sot tóraǵalary men sýdıalardy ujymǵa tanystyrdy. Sharaǵa qala ákimi Marat Tasmaǵanbetov qatysty. Bul týraly oblystyq sottyń baspasóz qyzmeti habarlady.
Qylmystyq ister boıynsha mamandandyrylǵan aýdanaralyq sottyń tóraǵasy qyzmetin Sergeı Vıktorenko atqarady. Ol buǵan deıin Shal aqyn aýdanynda sýdıa bolyp istegen. Petropavl qalalyq №2 sotynyń tóraıymy bolyp Dınara Baızakova taǵaıyndaldy. Ol osynda kóp jyl sýdıa mindetin atqaryp kelgen.
Al Kúlnar Másimova, Gúlnar Shaıkenova, Araı Ábilmájinova, Irına Esirgepova Mamlıýt, Aqqaıyń aýdandyq, Petropavl qalasy №2 sotynyń sýdıalary qyzmetine kiristi.
Muratǵalı Abraruly jańa taǵaıyndalǵan sot tóraǵalary men sýdıalarǵa tabys tileı otyryp, Konstıtýsııaǵa jáne zańnamalarǵa sáıkes ádil sheshim qabyldaý buljymas mindet bolyp tabylatynyn atap kórsetti.
О́mir Esqalı.
Derek, sýret: Soltústik Qazaqstan oblystyq sotynyń baspasóz ortalyǵy.