PETROPAVL. 3 naýryz. Soltústik Qazaqstan oblysy Qyzyljar aýdanynda trektik ıppodromnan Oral, Sibir jáne Qazaqstan kýbogynyń altynshy kezeńi jáne elimizdiń ashyq birinshiligi ótti. Bul týraly Soltústik Qazaqstan oblystyq dene shynyqtyrý jáne sport basqarmasynyń baspasóz qyzmeti habarlady.
Qyzyljar aýdanyndaǵy «Qulager» ıppodromynda ótken jarysqa Túmen, Qorǵan, Omby jáne Petropavl qalalarynan 17 úmitker qatysty. Oral, Sibir jáne Qazaqstan arasyndaǵy kýbok úshin jarys ótken jylǵy 23 jeltoqsanda bastaý alǵan. Osyǵan deıingi bes kezeń Reseı qalalarynda uıymdastyrylyp, altynshy kezeń Qyzyljar óńirinde ótti.
«Saıys erejes boıynsha qatysýshylar uzyndyǵy 1,2 shaqyrym ıppodromdy kólikterimen 4 ret aınalyp aınalyp ótýi tıis. Jeńil kólikterdiń qozǵaltqysh kólemi 1600 tekshe santımetrden aspaýy kerek», dedi tilshilerdiń saýalyna jaýap bergen avtojarystyń bas tóreshisi, oblystyq avtomoto sport federasııasynyń vıse-prezıdenti Vladımır Jýkoven.
Ippodromnyń aınadaı jaltyraǵan joldarynda óner kórsetý, shuǵyl burylystardan shapshań jyldamdyqpen ótý jan-jaqty daıyndyqty, mol tájirıbeni qajet eteri anyq. Jekeleı esepte Qorǵan qalasynyń sportshysy Iýrıı Makarov bas júldeni ıelendi. Soltústikqazaqstandyq avtosportshy Dmıtrıı Sharapaev máre syzyǵyn ekinshi bolyp kesti. Al ombylyq Igor Ýsov úshinshi orynǵa taban tiredi. Jalpykomandalyq esepte Qorǵan qalasynyń sportshylary jeńistiń birinshi satysyna kóterildi. Petropavl jáne Omby qalasynyń sportshylary ekinshi jáne úshinshi oryndarǵa ıe boldy.
Negizgi jarys aıaqtalǵannan keıin 6 úzdik sportshy KSRO sport sheberi Vıktor Andrýhany eske alýǵa arnalǵan sýper jarysqa qatysyp, Ombydan kelgen Igor Ýsovtyń baǵy jandy. Kýboktyq jarystyń sheshýshi kezeńi Novosibir qalasynda ótedi.
О́mir Esqalı.
Derek: Soltústik Qazaqstan oblystyq dene shynyqtyrý jáne sport basqarmasynyń baspasóz qyzmeti.
Sýret: carakoom.com.