PETROPAVL. 3 naýryz. Soltústik Qazaqstan oblystyq statıstıka departamenti óńirdegi áıelderge qatysty birqatar derekterdi jarııalady. Bul týraly egemen.kz tilshisi habarlady.
Osy jyldyń 1 qańtarynda oblystaǵy áıelderdiń sany 299,2 myń adamdy qamtyp, turǵyndardyń 52,3 paıyzyn quraǵan. Olardyń ishinde eńbekke qabilettileri – 176 myń, eńbekke qabiletti jastan asqandary – 66,4 myń.
Áıelderdiń ómir súrý uzaqtyǵy 73,9 jas. Bul er adamdarǵa qaraǵanda 11 jylǵa artyq.
20 jasqa deıingi áıelderdiń 9,8, 20-29 jastaǵylardyń 67, 30-39 jastaǵylardyń 15, 40-49 jastaǵylardyń 4,3, 50-59 jastaǵylardyń 1,9, 60 jastan asqandardyń 0,7 paıyzy nekege turǵan. Bala týýǵa eń qabiletti kezeń 20-29 jas aralyǵyndaǵy kelinshekterge tıesili. Bul kórsetkish 62,8 paıyz tóńireginde. О́kinishtisi sol, bir otbasyǵa 2 baladan ǵana keledi. Sondaı-aq, jyl ótken saıyn nekesiz týatyn sábılerdiń kóbeıip kele jatqany baıqalady. Máselen, 2013 jyly dúnıe esigin ashqan balalardyń besten biri nekesiz týylǵan. Olardyń 47,8 paıyzy ata-analardyń birlesken ótinishi boıynsha rásimdelgen. Kóshi-qon aınalymyndaǵy áıelderdiń sany 17 myńǵa jetken. О́tken jyly oblystan tysqary jerlerge 5058 áıel kóship ketse 2069 qyz-kelinshek kelgenin aıta keteıik.
О́mir Esqalı.
Derek: egemen.kz.
Sýret: sko.gov.kz.