Memleket basshysy Nursultan Nazarbaev Islam Kárimovke О́zbekstan Respýblıkasynyń Prezıdenti laýazymyna qaıta saılanýyna baılanysty quttyqtaý jedelhatyn joldady, dep habarlady Qazaqstan Prezıdentiniń baspasóz qyzmeti.
Jedelhatta saılaý nátıjeleri I.Kárimovtiń halyq aldyndaǵy bedeliniń, eldiń áleýmettik-ekonomıkalyq damýyna jáne О́zbekstannyń halyqaralyq qoǵamdastyqtaǵy abyroıyn nyǵaıtýǵa baǵyttalǵan parasatty saıasatyna kórsetilgen keń qoldaýdyń aıqyn dáleli ekeni atap ótilgen.
Memleket basshysy, sondaı-aq, I.Kárimovtiń basshylyǵymen О́zbekstannyń odan ári órkendeı beretinine senim bildirgen.
«Qazaqstan men О́zbekstan arasyndaǵy baýyrlas qarym-qatynastar strategııalyq yntymaqtastyq deńgeıinde nyǵaıa túsetinine kámil senemin», – delingen jedelhatta.
Sońynda Nursultan Nazarbaev О́zbekstan Prezıdentine zor densaýlyq jáne jaýapty qyzmetinde tabys, al baýyrlas ózbek halqyna tatýlyq pen baq-bereke tiledi.