Artyqshylyǵy – Qazaqstanda jasalǵan!

«AgromashHoldıng» pen «SaryArqaAvtoProm» zaýyt­tary­nyń óndiris alańynda Qazaq­standaǵy mashına jasaý isi­niń kezekti bir saltanaty ótken­deı áser qaldy. Elbasy Nursul­tan Nazarbaevtyń bastamasy­men ómirge joldama alǵan «Qazaq­standa jasalǵan» aksııasy otandyq ón­diristegi ónimderdi qoldaý jáne qarqyndy damytýdy murat tut­qan bolatyn. Aksııaǵa respýblı­ka Ulttyq ekonomıka vıse-mı­nıstri Tımýr Jaqsylyqov, Alma­ty qalasy ákiminiń orynbasary Iýrıı Ilın, Investısııalar já­ne damý mınıstrligi men Qarjy mı­nıstrliginiń, Almaty qalasy ishki ister departamenti, Aqmola, Almaty jáne Qostanaı oblystary ákimdikteriniń, sonymen qatar, iri bıznes qurylymdarynyń ókilderi qatysty. «AgromashHoldıng» jáne «SaryArqaAvtoProm» zaýyt­tar­yndaǵy álemdik brendter Ssang Yong pen Toyoto júrdek avto­mobılderi, IVEGO júk mashına­sy qurastyrylyp jatqan sehtar­dy aralap kórýdiń ózi týrızm qy­zyǵynan kem emes. Tazalyǵynan shybyn taıyp jyǵylatyn sehtarda mashına qurastyrýshylar zergerlerdeı jumys istep jatyr. Zaýyttar basshylary Alek­seı Sıdorenko men Andreı Lav­rentev atshaptyrym sehtardy qo­naqtarǵa aralata júrip, tolyq óndiristik úderis, sonyń ishinde bári derlik robottalǵan avtomobıl shanaǵyn dánekerleý jáne boıaý, shanaq pen ramany jalǵaý úde­risi, barlyq kezeńder men árbir jeli jumysynyń nátıjesi retinde kásiporynnyń daıyn ónimin aksııaǵa qatysýshylardyń nazaryna usyndy. Búgingi kúni «AgromashHoldıng» pen «Sary­Arqa­AvtoProm» óndiristik alań­darynda óndirilgen avtomo­bıl­derdiń barlyq modelder qatary 7 brendtiń 43 úlgisin quraıdy. О́ndiristik kórmede Astana­nyń kólik ınfra­qury­lymynda qa­zirdiń ózinde bel­sendi qolda­nylatyn Iveco Citelis avtobýsyn aksııa qonaqtaryna kórsetti. – Fransııadan 358 avtobýs alýǵa kelisimshart bolǵan edi, sonyń qazirdiń ózinde 128-i alyn­dy. Jyldyń ortasyna deıin qal­ǵany da jetkiziledi. Qalalyqtar rıza, óte qolaıly, ishi keń avtobýs. Astanada EKSPO-2017 kórmesi ótetin ýaqytqa deıin eski avtobýstardyń barlyǵy da jańartylady degen josparymyz bar. Dál irgemizde osyndaı sapaly avtobýstar qurastyrylyp jatqanda, onyń múmkin bolaryna senimdimiz, – deıdi Astana qalalyq kásipkerlik jáne óner­kásip basqarmasynyń basshysy Málıke Bekturova. «AgromashHoldıng» pen «Sa­ryArqaAvtoProm» zaýyttarynda óndirilgen mashınalar rahatyn kórip otyrǵan tek as­tanalyqtar ǵana emes, Almaty ob­lysy Tótenshe jaǵdaılar depar­tamenti ótken jyly Qostanaıdan IVEGO markasymen shyqqan órt sóndiretin mashınanyń 24-in bir-aq alǵan. – Bul mashınanyń burynǵy órt sóndiretin mashınalarǵa qaraǵanda artyqshylyǵy mol. Eń bastysy, munda órtke shashatyn 3 tonna sý men úılerdiń 5-shi qabatyna deıin jetetin avtosaty bir mashınada ornalastyrylǵan. Al buryn sýdy bir mashına, avtosatyny ekinshi mashına tasyp júretin edi, – deıdi Almaty ob­lys­tyq tótenshe jaǵdaılar de­par­tamenti órt sóndirý jáne avarııalyq jumystar qyz­meti memlekettik mekemesi basty­ǵy­nyń orynbasary Danııar Ysqa­qov. Jınalǵandarǵa zaýyt aýlasynda órtengen mashınany sóndirý jumysy da kórsetildi. IVEGO júk mashınasy negi­zinde «AgromashHoldıng», «Sary­ArqaAvtoProm» zaýyttarynyń óndiris alańynan benzın, qoqys, sement tasıtyn mashınalar, «Jedel járdem» mashınasy qurastyrylyp jatyr. Olardyń qurastyrý úderisiniń 30-38 paıy­zy qazaqstandyq mazmunǵa ıe. Tipti, «Jedel járdem», anyǵyraq aıtsaq reanımobıl mashınasyn jasaǵanda qazaqstandyq mazmun 70 paıyzdy quraıdy. Bul da óz elimizdiń densaýlyq saqtaý salasyna óte qajetti zamanaýı jabdyqtyń birine aınalǵan. «Qazaqstanda jasalǵan» degen markamen avtomobılder kórmesinde bolǵan QR Ulttyq ekonomıka vıse-mınıstri Tımýr Jaqsylyqov onyń sońǵy kelip ketken ýaqyttan beri zaýytta bolǵan úlken ózgeristerge tań qalǵanyn jasyrǵan joq. – Men zaýytta 5 jyl buryn bolǵanmyn. Sol kezde munda avtomobılder tek iri torap ádisi boıynsha ǵana qurastyrylǵan. Al búgin búkil el mundaı óndiristiń aýqymdylyǵyn, osyndaı zaýyt jabdyǵyn, jańa óndiris deńgeıin meńgerip alǵan mamandarǵa rıza bolasyń. Olar qurastyryp jatqan minsiz avtomobılderdi «Qazaqstanda jasalǵan» dep maqtana aıtamyz, – dedi Tımýr Jaqsylyqov. Sonymen qatar, Ekonomıka vıse-mınıstri mashına óndirisindegi qazaqstandyq mazmunǵa joǵary baǵa berdi. – Qazaqstandyq mazmun degenimiz, ol qurastyrylǵan ma­shınanyń ózindik qunynyń edáýir bóligi ózimizdiń ınjenerlerdiń, jumysshylardyń, joba­laý­shylardyń eńbeginen turady degen sóz. Qostanaılyq mashına jasaýshylar onyń kólemin birte-birte ulǵaıtyp keledi. Bul degenimiz – Qazaqstanda qala­tyn qarjy, jumys orny, jalpy turǵyndardyń áleýmettik jaǵ­daıynyń kóterilýi, eńbekaqy degen sóz. Bul aksııany ótkizý sebe­bimiz qazaqstandyq ındýs­trııanyń múmkindigi men bola­shaǵyn pash etý bolatyn, – dedi Tımýr Jaqsylyqov. Aksııaǵa qatysýshylar zaýyt aýlasyndaǵy jańa aýyl sharýashylyǵy tehnıkalarynyń kórmesin de tamashalady. Astyq jınaıtyn kombaındarǵa suranym joǵary. Olardyń 44 paıyzy satyldy. Qarjy-ekonomıkalyq daǵ­darys dúnıeni shyrmaǵanymen qa­zaqstandyq óndiris qadamy kibirtiktemeıdi. Memleket otandyq óndirýshilerge qoldaý bildirip otyr. Jaqynda mashına jasaý óndirisi úshin 20 mıllıard teńge bólinetini jóninde sheshim qabyldandy. Onyń 5 mıllıard teńgesi lızıng baǵdarlamasy úshin jumsalsa, qalǵan 15 mıllıard teńge tutynýshylar suranysyn qoldaıtyn bolady. AllurGroup avtomobıl kom­panııasynyń prezıdenti, «Agro­mashHoldıng» dırektorlar keńesiniń múshesi Andreı Lav­rentev Qazaqstandaǵy ónim óndirýshilerdi qoldaý memle­kettik baǵdarlamalary óndiristi keńeıtýge jáne tutynýshylar úshin baǵany da tómendetýge múmkindik jasaıtynyn aıtty. – Elbasy elimizdegi barlyq óndirisshilerge ózindik qundy tómendetýge, sol arqyly baǵany kemitýge shaqyrǵan bolatyn. Oǵan biz avtomobılshiler tek qazaqstandyq mazmundy ulǵaıtý arqyly qol jetkizetin bolamyz. Mysaly, qazir qazaqstandyq mazmun 40 paıyzdyń ústinde. Aldaǵy 3-4 jylda ol 50 paıyzdan asatyn bolady. Mine, osylaı bolǵanda baǵa da arzandaıdy, tabys ta molaıady, – dedi Andreı Lavrentev. «Nurly Jol» Jańa Eko­no­mıkalyq Saıasat sheńberinde qazaqstandyqtarǵa otandyq ónimdi dáripteý «Qazaqstanda ja­­salǵan» aksııasy osylaı bas­taý aldy. О́z elimizde jasalǵan ónim­di ózimiz tutynamyz. «О́z mańdaı terińmen tapqan nan dámdi» deıdi halqymyz. Qazaq­standa jasalǵan mashına da ózgenikinen kem emes, qaıta artyq. Sebebi, ol Qazaqstanda jasalǵan! Názıra JÁRIMBETOVA, «Egemen Qazaqstan». QOSTANAI.