«...Sol qazaqtyń birimin»

Qoljazba hattar – shy­naıy­lyqtyń tunbasy. Olar­dan ishki jan taza­ly­ǵynyń tumasy tógilip turady. Bas­pa­sózde kúndelik ataýly men avtorlyq hattardyń tym oqylymdy keletini so­dan. Ásirese, tanymal tulǵa­lar­dyń aq paraqqa óz qolymen túsirgen jazbalaryn bestsellerge balaýǵa bolady. Elbasy kitaphanasynyń mu­ra­ǵatynda Memleket basshysyna qatysty mol derek saqtaýly. Solardyń arasynda biz úshin erek­she qyzyǵýshylyq týdyratyny – Nursultan Nazarbaevtyń zaman­das­taryna, qatardaǵy qazaq­standyqtarǵa ár ýaqytta joldaǵan hattary. Bularmen tanysqan adam asa aıtýly tulǵanyń resmılikten tys sátterin, adamı kelbetin ańǵara alady. Prezıdent 2009 jyldyń 17 maý­symynda, osy sóılem quralyp jatqan sátten týra alty jyl buryn, memleket qaıratkeri, aqyn, búginde baqılyq Kákimbek Sa­lyqovqa hat jazǵan eken. Sóz bylaı bastalady: «El tarıhynda, syn kezeńderde eldi birlikke shaqyryp, erlikke baýlyǵan kemeńger babalarymyz barshylyq. Sol dástúrdi jalǵastyryp, óz oı-pikirińizdi «Egemen Qazaqstannyń» 17 maýsym kúni shyqqan nómirindegi maqalańyzda jarııaladyńyz». Iаǵnı, tańerteńgilik poshtamen tanysqannan keıin, birden jan áserin qaǵaz betine aýdarady. Qyrýar is, qaınaǵan tirshilik ishi­nen maqala avtoryna tilektestik bil­dirýge ýaqyt arnaıdy. Budan Elba­synyń el tamyrynyń búlkiline enjar qaramaıtyn qalamger ataý­lyǵa qurmeti kórinedi: «Meni kópten beri biletin bolǵan soń, óz pikirińizdi bildirýge sizdiń barlyq qaqyńyz bar. Másele onda emes. Bul maqalańyz el taǵdyryn oılaıtyn, eldiń jaıyn biletin bilimger el aǵasynyń oıy dep bilemin», deıdi Prezıdent. Qazaqstannyń táýelsizdigin hal-qadirimizdi jumsap, ilgeriletý – barshamyzdyń aldymyzdaǵy ulyq murat. Osynaý uly paryzdy boıǵa sińire túsý barysynda sol Azattyqty jarııalaǵan Memleket basshysynyń ár sózine hám sezimine erekshe den qoıǵan abzal: «Astana el táýelsizdiginiń altyn dińgegine aınaldy. Alysty, jaqyndy tań qaldyratyn ǵajaıyp elordamyzdy ornatý – Qazaqstan táýelsiz­di­gin ornatýmen teń der edim. Astana erkindikti ańsa­ǵan eli­mizdiń asqaq armany men jigerinen jaralǵan. Táýel­sizdikti ornatý bar jáne ony nyǵaıtyp ustap qalý bar». Nursultan Ábishulynyń bul sózderi bir-aq hatta qamtylǵanymen, kúlli qoǵamǵa arnalǵan úndeýmen teń. Desek te, Elbasyna jazýyna, eń aldymen, Kákimbek aǵamyz kózi tirisinde qalaı arqalanǵanyna, shabyttanǵanyna ózimiz kýámiz. Gazette istegen kezimizde aqsaqal As­tana týraly toptamasyn qol­tyq­tap, birneshe ret kelgen. Bas qalanyń basylymyna ár óleńiniń janyna sýret qosa, jarqyratyp jarııalaǵanymyzda aǵamyz máz bolyp, balasha shattanyp edi. Prezıdent hatynyń sońy asyl muratynyń ushqynyndaı. «Jeke tulǵaǵa jazylǵan sózderinde júr» demeseńiz, bul lebiz áli-aq qanatty sózder jınaqtalatyn talaı kitapqa engiziler. Áý basta-aq epıstolıarlyq janrǵa tán shynaıylyq týraly eske túsirgenimiz de osy bolsa kerek: «Qazaq balasyna bar kúsh-jigerin, bilimin elimizdiń altyn bolashaǵyna arnaýdan artyq qandaı qasıetti borysh bar? Joq. Men – sol qazaqtyń birimin. Keler urpaq dál osylaı tár­bıe­lense deımin», dep tolǵa­nady Elbasy. Erbolat QAMENOV, Qazaqstan Respýblıkasynyń Tuńǵysh Prezıdenti – Elbasy kitaphanasynyń jetekshi sarapshysy. ASTANA.