ASTANA. 5 naýryz. AQSh-tyń Boston qalasynda júrip jatqan sot otyrysynyń basynda aıyptalýshy Djohar Sarnaevtyń advokaty alqabılerge qorǵap otyrǵan adamynyń óz kinásin moıyndaıtynyn málimdedi. Bul týraly BBC Russian habarlady.
Bostondaǵy jarylys budan eki jyl buryn marafon kezinde jasalǵan edi.
Prosestiń bas jaǵynda aıyptalýshy Djohar Sarnaevtyń advokaty óz qorǵaýyndaǵy adamnyń kinásin moıyndaıtynyn jetkizdi. Onyń sózine qaraǵanda, Sarnaev is barysynda aǵasy Tamerlan Sarnaevtyń yqpalynan shyǵa almaǵan kórinedi.
Qazir jasy 21-degi Djohar Sarnaevty ólim jazasy kútip tur. Ol 30 tarmaq boıynsha aıyptalyp otyr.
Federaldy prokýror sársenbi kúni prosesti ashar kezinde Sarnaevtyń bombynyń qoıǵandaǵy maqsaty jurtty óltirý bolǵanyn málimdedi.
2013 jyly Djohar Sarnaev Boston marafony kezindegi jarylysqa qatysty aıyptaýlardyń bárin birdeı moıyndaǵan joq.
Sot zalynyń sol qanatyn sol jarylys kezinde zardap shekender toltyrdy. Al terakt kezinde úsh adam qaza tapty. Olardyń arasynda segiz jasar bala bar. Jalpy, 260-tan astam adam ártúrli dene jaraqatyn aldy, olardyń kópshiligi aıaqtary men qoldarynan aıryldy.
Murat Aıtqoja.
Derek, sýret: BBC Russian.