PETROPAVL. 5 naýryz. Soltústik Qazaqstan oblysyndaǵy №6637 áskerı bóliminde «Ortalyq» óńirlik qolbasshylyǵy prezıdenttik kópsaıysynyń birinshiligi bastaldy. Bul týraly áskerı bólimniń baspasóz qyzmeti habarlady.
Saıysqa elimizdiń 9 óńirinen 60-tan astam áskerı qyzmetshiler men sarbazdar jınaldy. Úsh kúnge sozylatyn saıysta qatysýshylar sporttyń prezıdenttik kópsaıys, shańǵy jarysy, pnevmatıkalyq tapanshamen nysana kózdeý, beltemirge tartylý túrlerinen kúsh synasady.
«О́ńirlik qolbasshylyq spartakıadasyna kiretin prezıdenttik kópsaıystyń maqsaty – áskerıler arasynda salamatty ómir saltyn nasıhattaý, dene kúshin tolyqtyrý, tózimdilik, shydamdylyq syndy qasıetterge baýlý», deıdi dene shynyqtyrý jáne sport bóliminiń basshysy Kırıll Kromın.
Alǵashqy jarys kúni pnevmatıkalyq tapanshadan atý básekesi ótti. Bul synda qaraǵandylyq Evgenıı Berdnıkov pen petropavldyq Elnur Orazaev mergendik tanytyp, jarys kóshin bastady. Beltemirge tartylýdan Astana men Kókshetaýdan kelgen sarbazdar jaqsy áser qaldyrdy.
О́mir Esqalı.
Derek: №6637 áskerı bóliminiń baspasóz qyzmeti.
Sýret: elarna.com.