PETROPAVL. 5 naýryz. Petropavlda Soltústik Qazaqstan oblystyq tártiptik keńes tóraǵasy Ádilbek Muqashevtyń basshylyq etýimen ótken otyrysta sybaılas jemqorlyqqa qarsy zańnama talaptaryn óreskel buzǵan sheneýnik qyzmetinen alynatyny málim boldy. Bul týraly oblystyq memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmeti habarlady.
Aıyrtaý aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń jetekshisi S.Daıyrovqa qatysty qaralǵan másele osyndaı sheshimmen aıaqtaldy. О́ıtkeni, sheneýnik memlekettik satyp alý konkýrsyn ótkizbesten-aq «Nord joldary» jaýapkershiligi shekteýli seriktestigine tórt mıllıon teńgeni ustata salǵan. Sóıtip, qys mezgilinde avtomobıl joldaryn tazalaý jaıly kelisim-shartty túzý barysynda zańǵa qaıshy áreketterge barǵan. Osylaısha sybaılas jemqorlyqpen kúres talaptaryn belden bir-aq basqan jaýapty tulǵa qyzmetinen alynatyn boldy.
Oblystyq fılarmonııanyń basshysy B.Aqmaǵambetovanyń quqyq buzýshylyq is-áreketteri týraly qala prokýratýrasy ókiliniń esebinen keıin tártiptik keńes músheleriniń isti ókiletti organ qaraýyna joldaý kerek degen usynysy qabyldandy. Oǵan B.Aqmaǵambetovanyń qalalyq máslıhat deptýtaty mártebesi birden-bir negiz boldy.
О́mir Esqalı.
Derek: Soltústik Qazaqstan oblystyq memlekettik qyzmet isteri jáne sybaılas jemqorlyqqa qarsy kúres departamentiniń baspasóz qyzmeti.
Sýret: qazaquni.kz.