Qazaq – úmit pen senimge, kemeńgerlik pen áýlıelikke ıek artqan, osy bir adamzat balasyn kógentúptegi muratyna jetkizer izgi qasıetterdi kıe tutqan halyq. Alaǵaı-bulaǵaı ereýil shaqtarda bolmasa, betaldy táýekelge de bara bermeıdi. Qandaı iste bolsa da, nendeı sharýany qolǵa alsa da on oılanyp baryp bir pishetin, barǵa qanaǵat, joqqa salaýat aıtatyn, sabyrlylyq pen salıqalyqtan, kónbistik pen kónterilikten álem halyqtary arasynda keshendi saıys ótetin bolsa, qazekem aldyńǵy oryndardyń birin eshqandaı tamyr-tanyssyz ıemdenetin jurt. Nege deısiz-aý.
Sońǵy 20-25 jyl aralyǵynda mondanaqtaı Jer beti nendeı zobalańdardy jon arqasynan ótkermedi?! Dúnıeniń asty ústine keldi. Álemniń qubylasy men shyǵysynda, soltústigi men ońtústiginde qanshama soıqandy soǵystar, neqıly qarýly qaqtyǵystar, ataýly-ataýsyz qanshama tóńkerister bolyp ótti. Bolyp ta jatyr. Estıtinimiz de, kúndelikti teledıdardan kóretinimiz de ózen bolyp aqqan, naqaqtan tógilip jatqan adamzat qany, bólinip-jarylǵan dúnıe, bozdaǵan beıkúná álem, soıqandardyń jebesinen mert bolǵan botasyn joqtap, shashyn julyp, betin tyrnaǵan arýana, aranyn ashqan joqshylyq pen asharshylyq... Basqalaryn bylaı qoıa turyp, keshegi ózimizben bir dastarqannan dám alǵan, jarty dándi jaryp, bútin dándi bólip jegen keńestik respýblıkalardyń táýelsizdikten keıingi evolıýsııasyn jaı ǵana sholyp ótińizshi. Shúkirińiz ben táýbeńizdi myń san qaıtalap, myń san kúbirleıtinińizge men kepil!
Osy jyldar ishinde jurt bir jeńnen qol, bir jaǵadan bas shyǵaryp, álemdegi dostyq pen baýyrlastyqtyń úlgi-ónegesine aınaldy. Qazaqstan halqy Assambleıasy atty izgilik pen ımandylyq shańyraǵynan shalqyp ushqan Beıbitshilik – Dostyq – Jasampazdyq sımfonııasy kók júzin kernep, Eýropa men Azııany tańyrqatýda. Keńestik dáýirdegi kúldikómesh Qazaqstan endi kelip álemdik dastarqannyń tórinde bas kesip, jambas kerte bastady. Ataly sóz aıtatyn boldy. Keshegi kúni jalǵyzynyń toıyna soıatyn aqsaq shybysh taba almaı, kóz jasyn jasyryp súrtken aýyl qazaǵy búginde toıyn qalaǵa kelip jasaıtyn deńgeıge jetti. Meıramhana tańdap kergıtinin qaıtersiz. Qazaqstannyń dalasy men qalasynda qaptaǵan jeńil avtokólikter. Olar kóshelerimizge syımaı, úlken problemaǵa aınaldy. Baılyqtan problema týar dep kim oılaǵan. Keshegi kúni ulttyq namysyn qamshylap qyr asyp, negizgi otanyma baramyn dep qoshtasyp ketken qanshama ult ókilderi Qazaqstanmen qaıtara jylap tabysyp jatyr?!.
Osynyń bári Allanyń arqasy. Onan keıin – kóregen de kemeńger Elbasymyz Nursultan Nazarbaevtyń arqasy. Aksıoma bul. On jerden betsiz bolsa da oppozısııań da, jelbýazyń da dál osy jerde aýyz asha almasa kerek. Sondyqtan, Qazaqstannyń tuǵyry berik, erteńi munan da jarqyn bolsyn desek, Elbasynyń saılaýǵa túskenin qalaıtynymyz anyq. Álemdik ereýil kezeńde el tizginin Senimge – Nazarbaevqa tapsyrǵanymyz jón.
Álibek QAŃTARBAI,
jazýshy, О́skemen qalasynyń qurmetti azamaty.
Shyǵys Qazaqstan oblysy.