Memleket basshysy Nursultan Nazarbaev «Aıda» operasynyń qoıylymyna bardy, dep habarlady Prezıdenttiń baspasóz qyzmeti.
Djýzeppe Verdıdiń áıgili operasy Astana kúnine oraı jańa pishimde – dekorasııalar men shoý elementterin, sondaı-aq, otshashýdy qoldaný arqyly ashyq keńistikte qoıyldy.
Spektakldiń qoıýshy rejısseri – Reseıdiń halyq ártisi Iý.Aleksandrov. Qoıylymǵa arnalǵan dekorasııalar Italııa ssenografy jáne rejısseri F.Dzeffırellıdiń eskızi boıynsha jasaldy. Bul joba úshin Bolgarııadan tenor K.Chanev arnaıy shaqyryldy. Sonymen qatar, qoıylymǵa «Astana Opera» teatrynyń oryndaýshylary – jetekshi solıst J.Ǵabdýllına, Qazaqstannyń eńbek sińirgen qaıratkerleri D.Hamzına, T.Musabaev, Armenııanyń halyq ártisi B.Týmanıan qatysty. Jalpy, spektaklge 300-ge jýyq adam atsalysty.