«Aqıqat» jýrnalynyń uıymdastyrýymen jýrnalıster arasynda shahmat týrnıri ótedi
«Qazaq gazetteri» seriktestigine qarasty elimizdegi «Eń úzdik qoǵamdyq-saıası basylym» – «Aqıqat» jýrnalynyń júldesi úshin jýrnalıster arasynda shahmat týrnırin ótkizý dástúrge aınalyp keledi. Alǵashqy týrnır Qazaq ulttyq polıtehnıkalyq ýnıversıtetiniń shańyraǵynda ótkizilgen bolsa, ekinshi jarys shahmattan álemniń birneshe dúrkin chempıony Jansaıa Ábdimáliktiń shahmat akademııasynda uıymdastyryldy.
Qolyna qalam ustaǵan sóz zergerleriniń arasynda tartysty ótetin bıylǵy úshinshi týrnırdi de qazaqtyń atyn álemge tanytyp júrgen Ábdimáliktiń shahmat akademııasynda (Sátbaev jáne Baıseıitova kósheleriniń qıylysy) 24 shilde kúni ótkizgeli otyrmyz. Aqparat aıdynynda ózindik orny bar «Qazaq gazetteri» seriktestigine qarasty alty basylymnyń jýrnalısteri – týrnırdiń belsendi qatysýshylary. Qazir uıymdastyrý alqasy jýrnalıster arasyndaǵy dástúrli shahmat týrnırine qatysýǵa tilek bildirýshilerdiń ótinishterin qabyldap jatyr. Barlyq áriptesterimizdi shahmat týrnırine belsendilikpen qatysýǵa shaqyramyz. Igilikti is-sharadan syrt qalmańyzdar, buqaralyq aqparat quraldarynyń qyzmetkerleri!
О́tinishterińizdi bizdiń elektrondy poshtamyzǵa kaz_gazeta@mail.ru joldaýlaryńyzǵa nemese 394-37-42 , 394-42-90 jáne 8-701-620-21-14 telefondary arqyly habarlasyp, tirkelýge bolady.
«Egemen-aqparat».