Oblys ákimi Beıbit Atamqulov Brazılııanyń Salvadore-de-Baıa qalasynda erkin kúresten jastar arasyndaǵy álem chempıonatynyń qola júldegeri Baqdáýlet Álmentaıdy arnaıy qabyldady.
Baqdáýlet – talantty balýan. Alǵashqy kezdesýinde japon balýanyn aıqyn jeńgen jigitimiz fınalǵa shyǵatyn kezeńde ǵana ázerbaıjan balýanyna jol bergen. Al, qola medal úshin kúreste qarsylasyn erkin eńserdi.
– Erkin kúres Olımpıada oıyndarynyń shyraıyn ashatyn sport túrleriniń biri, – deıdi Ońtústik Qazaqstan oblysy sport jáne deneshynyqtyrý basqarmasynyń basshysy Álibek Nurtaev. – Qazaqstannyń erkin kúres tarıhynda olımpıada oıyndary jáne álem chempıonattarynda qazaq jastarynan altynnan olja salǵan oǵlandarymyz bolmaı turǵandyǵy oılandyrady. Baqdáýlet sııaqty myqty balýandar osy mejeni alady dep senemiz.
Búginde ońtústiktiń tórt sportshysy Olımpıada oıyndaryna joldama aldy.
Álem chempıonatynyń júldegerine 1 mln. teńgeniń sertıfıkatyn ustatqan oblys ákimi Olımpıada oıyndaryna baratyn barlyq sportshylarǵa kerek jaǵdaıdyń bári jasalatyndyǵyn aıtty.
Baqtııar TAIJAN,
«Egemen Qazaqstan».
ShYMKENT.