Atyraý oblysynan shetel naryǵyna shyǵarylatyn ónim kólemi az emes. Ásirese, shıkizattyq munaıǵa suranys arta túsýde. Máselen, bıylǵy 4 aıda munaıdy syrtqy naryqqa eksporttaýdan el bıýdjetine 130 mlrd. teńge kóleminde kiris túsipti.
– Aǵymdaǵy jyldyń 4 aıynda Atyraý oblysynan shıki munaıdy syrtqa shyǵarýdan memleket bıýdjetine 130 mlrd. teńge kóleminde kiris tústi. Bul kórsetkish ótken jyldyń dál osyndaı kezeńimen salystyrǵanda 35 paıyzǵa artyq. «Qara altynnyń» úlesi eksporttyń 99,6 paıyzyna deıin ulǵaıdy. Atyraý óńirinen óndiriletin shıki munaıdy iri kólemde satyp alýshylar qatarynda Italııa, Nıderland, Fransııa jáne Túrkııa bar. Munaı eksporty Atyraý óńirinen qubyr jáne temirjol kóligi arqyly Novorossıısk, Taman, Ýst-Lýga jáne Prımor porttaryna jetkizilip, ári qaraı sý kóligimen satyp alýshy elderge tasymaldanady, – deıdi Atyraý oblystyq memlekettik kiris departamentine qarasty energetıkalyq keden beketiniń basshysy Erlan Amenov.
Qazirgi ýaqytta atalǵan keden beketinde memlekettik bıýdjetke asa kóp kólemde kiris túsiretin «Teńizshevroıl», «Anako», «Maten Petroleým» seriktestikteri men «KaspııNeft» aksıonerlik qoǵamy sekildi 40-qa jýyq kásiporyn resimdelgen.
Joldasbek ShО́PEǴUL,
«Egemen Qazaqstan».
ATYRAÝ.