Taıaýda Amman qalasynda Iordanııa Koroli Abdalla II ben al-Hýseın Qazaqstan Respýblıkasy Premer-Mınıstriniń arnaıy ókili, Elshi Baǵdat Ámireevti qabyldady.
Kezdesý barysynda qazaqstandyq dıplomat Abdalla II-ge Qazaqstan Prezıdenti Nursultan Nazarbaevtyń joldaýyn tabys etip, ıordandyq monarhty Qazaqstannyń halyqaralyq uıymdar sheńberindegi qyzmetimen jáne elimizdiń Taıaý Shyǵys memleketterimen qarym-qatynastaryn damytýymen tanystyrdy.
Iordanııa Koroli óz eliniń Qazaqstannyń syrtqy saıası qyzmetin, eki eldiń halyqaralyq uıymdar sheńberindegi yntymaqtastyǵyn, sondaı-aq, Astananyń halyqaralyq jáne aımaqtyq qaýipsizdikti nyǵaıtýǵa budan da úlken úles qosatynyn qoldaıtyny týraly aıtyp jetkizdi.
Abdalla II Iordanııanyń ekijaqty qarym-qatynastardy damytýǵa úlken mán beretinin atap ótip, Elbasy N.Á. Nazarbaevqa jáne dostas Qazaqstan halqyna óziniń ıgi tilekterin jetkizýdi surady.
Suhbat barysynda, sonymen qatar, halyqaralyq kún tártibiniń ózekti máseleleri boıynsha pikir almasyldy.
«Egemen-aqparat».