Keshe Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Reseı Federasııasy Úkimeti tóraǵasynyń birinshi orynbasary Igor Shývalovpen kezdesti, dep habarlady Premer-Mınıstrdiń baspasóz qyzmeti.
Bul kezdesý Reseı Prezıdenti Vladımır Pýtınniń Qazaqstanǵa memlekettik sapary qarsańynda ótip otyr.
Qazaqstan Respýblıkasy men Reseı Federasııasy arasyndaǵy yntymaqtastyq jónindegi úkimetaralyq komıssııanyń teń tóraǵalary Baqytjan Saǵyntaev pen Igor Shývalov ekijaqty áriptestiktiń, sonyń ishinde otyn-energetıka kesheni, ónerkásip, atom energııasy, kólik salalaryndaǵy áriptestiktiń keń aýqymdy máselelerin talqylady.
Kezdesý barysynda sondaı-aq, Qazaqstannyń DSU-ǵa ótýde qabyldaǵan mindettemeleri jáne olardy Eýrazııalyq ekonomıkalyq odaqtyń kelisimsharttyq bazasyna ımplementasııalaý jaıy talqylandy.
Taraptar ózara yntymaqtastyqty kúsheıtý, sonyń ishinde EAEO sheńberinde kúsheıtý úshin aıtarlyqtaı áleýettiń bar ekenin atap kórsetti.