QOSTANAI. 16 qazan. Qostanaıdaǵy jańadan túsip jatqan Soltústik Batys shaǵyn aýdanyndaǵy taýnhaýstan Qostanaı oblystyq ishki ister departamenti bastyǵynyń Audemars Piguet, Zenith, Clerc, Breguet, Ulysse Nardin, Frederique Constant jáne Longines markaly saǵattar kolleksııasy urlanǵany, olardyń árqaısysy 500 dollar turatyndyǵy jóninde aqparattar taraǵan bolatyn. Alaıda, oblystyq ishiki ister departamentiniń baspasóz qyzmeti saǵattardyń general Tilegen Mátkenovke eshqandaı qatysy joq ekenin habarlady. Urlyqtan zardap shekken basqa kásipker eken. Bul týraly alau.kz saıtyna silteme jasaǵan egemen.kz tilshisi habarlady.
Polısııanyń baspasóz qyzmeti urlanǵan baǵaly saǵattar Tilegen Mátkenovtyki emestigin, ol úıdi general jaz aılarynda jaldaǵanyn aıtty. Polısııaǵa Mátkenov aryz bergen joq, basqa kásipker shaǵymdanǵan. Biraq baspasóz qyzmeti kásipkerdiń atyn atamaıdy. Sonymen qatar kásipker álgi saǵattardyń barlyǵyn qosqanda quny 300 myń teńge bolatynyn da aıtqan. Kásipkerdiń aıtýyna qaraǵanda, saǵattar taza brend emes, jasandy kóshirme ǵana. General Mátkenov osydan úsh aı búryn álgi taýnhaýstan kóship ketedi. Ol jalǵa turǵan kezde úıge tirkelgen jáne telefondy óz atyna jazdyrǵan. Biraq kóship ketkennen keıin telefondy qaıta rásimdeýdi umytyp ketken. Jaqynda general Tilegen Mátkenov jýrnalısterdiń aldyna shyǵyp, jaǵdaıdyń qalaı bolǵanyn ózi aıtyp bermek eken.
Aıta ketetini, sońǵy ýaqytta Qostanaıda urlyq órship ketti. Qazan aıynyń alǵashqy eki aptasy ishinde oblysta 203 urlyq oryn alǵan. Sonyń ishinde 4 iri urlyqtan kelgen zııan bir mıllıon teńgeni quraıdy. Olardyń isin Tilegen Mátkenov óziniń jeke baqylaýynda ustap otyr.
Názıra Járimbeova.
Derek: alau.kz.
Sýret: ng.kz.