Rýmynııa kórmege qatysatynyn rastady

Qazaqstannyń Rýmynııada­ǵy elshisi Dáý­let Batyrashev Rýmynııa Syrtqy ister mı­nıstr­liginiń Bas dırektory, «EKSPO» másele­leri jóninde­gi komıssary Djeordjıan Gervası­men kezdesip, onyń nazaryna EKSPO-2017 kór­me­siniń tusaýkeserin usyndy. Kezdesýdiń so­ńynda Rýmynııa Astana­da ótetin EKS­PO-2017 halyqaralyq mamandan­dyryl­ǵan kór­mesine qatysatynyn resmı túrde rastady. Dj. Gervası Rýmynııa Halyqaralyq kórmeler bıýrosynyń qalaýshy-múshesi re­tinde halyqaralyq kórmelerdiń tujyrym­da­masy men maǵynasyn qoldap, Qazaqstannyń ha­lyqaralyq kórmeler damýyna qosatyn zor úlesin joǵary baǵalaıtynyn atap ótti. Onyń pikirinshe, Astana qalasynda EKSPO-2017 kór­mesin uıymdastyrý XXI ǵasyr­­dyń negizgi syndaryna eń úzdik sheshim izdeýge baǵyt­talǵan orasan zor shara bolyp tabylady. Qazaqstandyq dıplomat Rýmynııanyń elimizdiń halyqaralyq bastamalaryna turaqty qoldaý kórsetip kele jatqany úshin rızashylyǵyn bildirip, onyń EKSPO-2017-ge qatysýy kórmeniń sátti ótýine úles qosyp, halyqaralyq kórme qozǵalysyna oń ekpin beretindigin atap ótti. «Egemen-aqparat».