Memleket basshysy Nursultan Nazarbaev Ulttyq qaýipsizdik komıtetiniń tóraǵasy Ádil Shaıahmetovti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Á.Shaıahmetov aǵymdaǵy jylǵy aqpanda Ulttyq qaýipsizdik komıtetiniń keńeıtilgen alqa otyrysynda Prezıdent alǵa qoıǵan mindetterdiń oryndalý barysy týraly habardar etti.
Kezdesý barysynda, sondaı-aq “Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly” Jarlyqtyń aıasynda qarastyrylǵandaı, aldaǵy ýaqytta UQK qyzmetin ońtaılandyrý týraly áńgime boldy.
* * *
Memleket basshysy Nursultan Nazarbaev Qazaqstan Respýblıkasy Ulttyq Banktiń Tóraǵasy Grıgorıı Marchenkony qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda G.Marchenko Prezıdentti bank jumysynyń qorytyndylarynan habardar etti.
– Jalpy alǵanda, búginde jaǵdaı jaǵymdy. Inflıasııa deńgeıi aıtarlyqtaı tómen, teńge baǵamy turaqty. Tipti, biz tamyzda ulttyq valıýta qunynyń jedel ósýiniń aldyn alý úshin ishki rynokta valıýta satyp alýǵa májbúr boldyq. Tólem balansy boıynsha aǵymdaǵy shottyń oń saldosy qalyptasty, ıaǵnı taýarlar men qyzmetterdiń eksporty ımportqa qaraǵanda edáýir joǵary. Qarjy rynogyndaǵy jaǵdaı óte turaqty. Bir ǵana problema bankterdiń ekonomıkany nesıeleýi ulǵaımaı otyrýyna baılanysty bolyp otyr. Sondyqtan Úkimet tarapynan tıisti eki baǵdarlama ázirlendi. Munyń ózi kúzde tıimdiligin kórsetip, bankterdiń naqty sektordy nesıeleý kólemi artady dep senemiz, – dedi G.Marchenko jýrnalısterge arnalǵan brıfıngte.
* * *
Memleket basshysy Nursultan Nazarbaev “Syrbar” syrtqy barlaý qyzmetiniń dırektory Amanjol Janqulıevti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda A.Janqulıev elimizdiń Prezıdentin vedomstvonyń aǵymdaǵy jumysynan habardar etti.