Alǵashqy aınalym aıaqtaldy

Boks Jaqynda osydan eki aı buryn bastalǵan Qazaqstan Boks federasııasynyń kýbogy jolynda ótken 1/8 fınaldyq jekpe-jekter aıaqtaldy. Qostanaı qalasynda osy aınalymnyń sońǵy kezdesýi ótken aıqasta jergilikti boksshylar Soltústik Qazaqstan komandasyn 8:2 esebimen jeńiske jetti. Bul kezdesýde qostanaılyq 75 kg. salmaqtaǵy An­ton Pınchýk pen asa aýyr salmaqtaǵy Ivan Dychko jek­pe-jekterin ýaqytynan buryn aıaqtady. Alǵash­qysy Nursultan Báshimovti sharshy alańda esh múmkin­dik bermeı utsa, Dychko Mehrýz Álıevti 5:0 esebimen ádemi jeńdi. Al Pınchýk qarsylasynan eki soqqy jiberip alyp, 10:2 esebimen utty. Munyń aldynda jáne odan keıin bolǵan aıqastar da tartysty ótti. Mysaly, eń jeńil 49 kg. salmaqta kúsh synasqan Damır Jaqypov (Soltústik Qazaqstan oblysy) pen Danııar Alpysbaev bir-birine soqqylaryn aıamaı aıqas­ty. Sonyń nátıjesinde alǵashqysy 17:11 esebimen jeń­se, odan keıingi 52 kg. salmaqtaǵy kezdesýde qosta­naılyq Evgenıı Gýsevtiń mysy qarsylasynan basym turdy. Ol osy salmaqta sharshy alańda endi ǵana tanylyp júrgen Ánýarbek Baıjanovty ózine bir soqqy jasatpaı 10:0 esebimen utty. Budan keıin qostanaılyq Zakır Safıýllın men German Okýnevtiń (56 kg.) ara­syndaǵy kezdesýde esep 7:0 bolyp tirkeldi. Qysqasy, osy aıqastarda qostanaılyq komanda 8 ret qarsylasyn jerge qaratsa, soltústiktegi kórshiles­teriniń tek eki jekpe-jekte ǵana mereıi ústem boldy. Onyń birinshisi, joǵaryda aıtqanymyzdaı, 49 kg. sal­maqta bolsa, ekinshisi, 64 kg. salmaqtaǵy Erlan Sma­ǵulov Mir­bolat Kópjasarovty 8:4 esebimen utqan kezdesýde tir­kel­di. Al osy kúngi sharshy alańda eń kóp soqqy ja­sal­­ǵan aıqas Ivan Zaharenko (Soltústik Qazaqstan ob­ly­sy) men Nurlan Nurseıitovtiń ara­synda ótti. Munda kezdesý 26:3 esebimen sońǵysynyń paıdasyna sheshildi. Bul kúni qostanaılyqtar qataryndaǵy Spartak Baqtııarov (91 kg.), Ulyqbek Ǵııazov (75 kg.) qarsy­lastarynan basym tústi. Degenmen Soltústik Qazaqstan boksshylarynyń kóbisiniń jeńilgenderine qarap, olardyń sheberlikteri tómen boldy dep aıta almaımyz. Munda óz salmaqtarynda Jalǵas Tortylov (69 kg.), Igor Shanın (91 kg.) syndy bylǵary qolǵap ıeleri baryn salyp kúsh synasty. Endi 1/8 fınalda jeńgen oblystardyń koman­dalary shırek fınalda ózara kezdesedi. Bul jekpe-jekterdiń basy 18 qyrkúıek kúni Mańǵystaý men Atyraý oblys­tary arasynda bastalady. Odan keıin 2 qazan kúni shar­shy alańǵa Astana qalasy men Shyǵys Qazaqstan obly­sy­nyń órenderi kóteriledi. Al Jambyl men Ońtústik Qazaqstan oblystary arasyn­daǵy aıqas 16 qazan kúni ótse, odan soń 30 qazanda Qaraǵandy men Qostanaı óńir­­leriniń komandalary qolǵap túıistiredi. Bul báseke­de jeńiske jetkenderi jartylaı fınalǵa shyǵady. Al 13 jáne 27 qarasha kúnderi ótetin osy aına­lymda utqan komandalar 16 jeltoqsan kúni Qazaq­stan Boks federa­sııasynyń kýbogy úshin fınaldyq kezdesý ótkizedi. * * *

BURYMDYLAR BARBADOSTA BAS QOSTY

Barbadosta bokstan áıelder arasynda álem chempıonaty ótýde. Burymdylar básekesine Vadım Prısıajnıýk jat­tyq­tyratyn Qazaqstan quramasynyń boıjetkenderi de baq synasýda. Oǵan qurama sapynda Nazgúl Boranbaeva (48 kg.), Áıgerim Asqarova (51 kg.), Oksana Koroleva (54 kg.), Dına Jolaman (57 kg.), Gúljan Úbnııazova, Saıda Ha­senova (ekeýi de 64 kg. ), Móldir Bazarbaeva (69 kg.), Da­­rı­ǵa Shákimova (75 kg.), Marına Volnova (81 kg.) jáne asa aýyr salmaqtaǵy Juldyz Mamatqulova qatysýda. Esterińizge sala ketsek, osylardyń ishinde 2006 jyly ótken álem chempıonatynda Nazgúl Boranbaeva qola júldeni jeńip alsa, eki jyldan keıin onyń jetis­tigin Elena Kolsova qaıtalady. Al bıylǵy Azııa chem­pıonatynda qyzdarymyz Soltústik Koreıa, Úndistan, Taıpeı, Qytaı, Vetnam sııaqty elderdiń aldyn orap, chempıon atanǵan bolatyn. Barbadostaǵy báseke 18 qyrkúıek kúni aıaqtalady. * * * Kúres

ÁZIRShE QORJYNDA EKI QOLA

Osy kúnderi Máskeý tórinde kúrestiń úsh túrinen álem chempıonaty ótýde. Oǵan qatysyp jatqan grek-rım kúresinen Qazaqstan quramasynyń qorjynyna ázirshe eki qola túsip otyr. Alǵashqy qola­ny boz kilemge birinshi bolyp shyqqan 60 kg. salmaqtaǵy Almat Kebisbaev jeńip alsa, odan keıin onyń jetistigin asa aýyr salmaqtaǵy Nurmahan Tinálıev qaı­talady. Osy beldesýlerde Nurmahan Italııa men Izraıl balýan­daryn ońaı utyp, shırek fınalda Afına Olımpıa­dasynyń chempıony, Beıjiń Olımpıadasynyń kúmis júldegeri, álemniń eki dúrkin chempıony reseılik Hasan Baroevti 3:1 esebimen jeńgennen keıin 2008 jylǵy Olım­pıada chempıony kýbalyq Lopes Nýnesten aıla­­syn asyra almady. Degenmen qola júlde úshin kúreste chehııalyq Marek Svechti utty. Al Almat bolsa bol­garııalyq Ivo Angelovten basym tústi. Basqa kezde­sýlerde 96 kg. salmaqtaǵy Áset Mámbetov eki kezdesý ótkizip, onyń birinshisinde ıorda­nııalyq balýandy jeń­se, ekin­shisinde Olımpıada chempıony reseılik Aslanbek Hýsıtov­ten utylyp qaldy. Taǵy bir úmit artqan balýany­­myz 66 kg. salmaqtaǵy Darhan Baıahmetov te birin­shi bel­desýinde jeńip, ekinshisinde jeńilýge májbúr boldy. Al 84 kg. salmaqta kúresken Alzahýr О́zdıev 1/8 fınalda kýbalyq balýandy jeńgenimen shırek fınalda túrik qarsylasynan aılasyn asyra almady. Dastan KENJALIN.