Áriptestik kókjıegi keńeıe túsedi

Keshe Syrtqy ister mınıstrliginde atalǵan vedomstvonyń resmı ókili Asqar Abdrahmanovtyń qatysýymen brıfıng ótkizdi. Onda jaqyn kúnderge josparlanǵan is-sharalar men oqıǵalar jóninde aqparat berildi. Resmı ókildiń sózine qara­ǵan­da, 14 jáne 15 qyrkúıekte Ýk­raı­na Prezıdenti Vıktor Iаný­kovıchtiń shaqyrýymen Qazaqstan Prezı­denti Nursultan Nazarbaev resmı saparmen barmaq. Qos mem­leket basshylarynyń Kıevte óte­tin kelissózderi barysynda eki­jaqty jáne kópjaqty aıada Qazaqstan men Ýkraına ara­syndaǵy yntymaqtastyq má­selelerin keńeıtý jaıy kózde­ledi eken. Sondaı-aq, ekijaqty qujattarǵa qol qoıylýy tıis dep kútilýde kórinedi. Budan keıingi kezekte resmı ókil 15 jáne 16 qyrkúıek kún­de­ri Qazaqstan Prezıdenti Nur­sultan Nazarbaev Ystambulda ótetin Túrkitildes memleketter basshylarynyń 10-shy mereı­toı­lyq sammıtine qatysa­tyn­dy­ǵyn atap ótti. “Aldaǵy basqosý barysynda túrkitildes elderdiń kóshbasshylary sammıtke qa­ty­sýshy memleketter arasyndaǵy qa­rym-qatynastarǵa qatysty birqatar jaǵdaılardy, ortaq qy­zyǵýshylyq týǵyzatyn aımaqtyq jáne jahandyq problemalardy, Túrki keńesi Hatshylyǵyn qurý jáne basshylyǵyn taǵaıyndaý máselesin talqylaıtyn bolady”, dedi bul týrasynda A.Abdrah­ma­nov. Taǵy bir atap óterligi, atal­ǵan sammıt aıasynda bıylǵy jyl­dyń mamyr aıynda Túrkııa Prezıdenti Abdýlla Gúldiń Qa­zaqstanǵa resmı sapary bary­syn­da Nursultan Nazarbaevtyń bastamasymen Astanada ashylǵan Túri álemi akademııasynyń qyzmeti jóninde pikir almasý bolmaq. Sonymen qatar, bul keleli bas­qo­sýdyń kún tártibinde Túrki keńesiniń qamqorlyǵy aıasynda jańa konsýltatıvti organ – Aqsaqaldar keńesin qurý máselesi kózdelip otyrǵanyn da aıtqan jón. Sammıt qorytyndysy boı­yn­sha Ystambul deklarasııasyna qol qoıý josparlanýda, dedi A.Abdrahmanov. Bul kúngi brıfıngte sondaı-aq, 16 jáne 17 qyrkúıekte Venada EQYU-ǵa Qazaqstannyń tóraǵalyǵy men Demokratııalyq ınstıtýttar jáne adam quqyq­tary bıýrosynyń birlesken úılestirýimen Uıymǵa qatysýshy memleketterde elektrondy daý­ys berýdiń qazirgi ahýaly men keleshegin talqylaýǵa arnalǵan sarapshylar semınary ótetindigi aıtyldy. “Al 16 jáne 17 qyrkúıekte Áskerı-saıası ólshemde EQYU maq­sattaryn iske asyrý jónin­de­gi is-sharalar josparyna sáıkes, Qazaqstannyń Qorǵanys mı­nıstr­ligi men Astanadaǵy EQYU Ortalyǵynyń birlese úılestirýi­men Almatyda “Ortalyq Azııa­da­ǵy jeńil jáne atys qarýynyń zańsyz aınalymymen kúres” ta­qyrybynda halyqaralyq semı­nar ótkiziledi. Semınar bary­synda jeńil jáne atys qarýyna qatysty ımporttaý, eksporttaý, deldaldyq qyzmet, tańbalaý jáne baqylaýdyń halyqaralyq standarttary qarastyrylady”, dedi resmı ókil óz sózinde. Brıfıngte 17 qyrkúıekte Máskeýde ótetin TMD Ekonomı­kalyq keńesiniń 47-shi basqosýy týrasynda da jan-jaqty aıtyldy. Láıla EDILQYZY.