Alıans Bankiniń “HandyPay” qyzmeti — elimizdegi alǵashqy qundy joba

Qandaı da bir salada bolsyn, tutynýshy­larǵa kórseti­­letin qyzmettiń sapasy joǵary bolýy­­men qatar, onyń qolaıly, sondaı-aq tıimdili­gimen erekshelenýi – búgingi tańdaǵy eń basty talaptardyń biri ekendigi sózsiz. Bul oraıda “Alıans Banki” AQ birqatar irgeli is-sharalardy júzege asyryp, jańa jobalarymen erekshelenýde. Jaqynda Alıans Banki Qazaqstan naryǵynda buryn-sońdy bolmaǵan jańa ónim – “HandyPay” qyzmetin óz tutyný­shylaryna usyndy. Sony­men, uıaly telefon ar­qy­ly esep-shottaǵy qara­jat­tan tólem jasaýǵa múm­kin­dik beretin “Handy­Pay” qyzmeti elimizde bıylǵy jyl­dyń qyrkúıek aıynyń birinen bastap iske qosyldy. Bank sala­syndaǵy eń alǵashqy ınnovasııalyqtyń sheshim­niń qarapaıym tutynýshy úshin qajet­tiligi jáne qyz­met­tiń ózindik erekshelik­teri men artyqshylyqtary qandaı? Osy jáne ózge de máseleler tóńireginde “Alıans Banki” AQ Basqarma tóraǵasynyń orynbasary Asqar Dárýshuly Bıshiǵaev aıtyp beredi: – Asqar Dárýshuly, ózińizge belgili, joǵary tehnologııa qaryshtap damyǵan qazirgideı zamanda sol sa­ladaǵy sońǵy jetistikterdi paıdalana otyryp, ýaqytty barynsha únemdeý – qazirde árbir adamnyń eń basty qa­jet­tilikteriniń birine aına­lyp otyr­ǵandyǵy jasyryn emes. Alıans Ban­kiniń jańa ónimi – “HandyPay” qyzmetiniń negizgi ári ózekti maqsaty jáne onyń qyzmet aýqymy týraly baıandap berseńiz? – Elimizdegi jetekshi bankterdiń biri Alıans Bankiniń jańa ónimi kópshilik kóńilinen shyǵady degen se­nim­demiz. О́ıtkeni, onyń ózindik se­bepteri de jetkilikti. Eń bastysy, uıa­ly telefon arqyly tutynýshynyń óz esep-shotyndaǵy aqshasynan tó­lem jasaýǵa múmkindik beretin Han­dy­Pay qyzmeti qolaılylyǵymen erek­­she­lenýde. Sóz reti kelgende atap aı­tar­lyǵy, onyń taǵy bir artyq­shy­lyǵy, tutynýshynyń óz ýaqytyn ún­em­deýge, tólemder men ózge de ope­rasııalardy merziminen keshiktirmeı shuǵyl túrde atqarýǵa da kómektesedi. Nemis tilinen aýdarǵan­da “Hand” sózi – “qol”, al “pay” sózi aǵylshyn tili­nen aýdarǵanda – “tólem” degen uǵ­ymdy bildiredi. Sóı­tip, bank klıent­­teriniń Handy­Pay qyzmeti arqyly qol­ma-qol tó­lem jasaýyna ábden bolady. Anyǵyraq aıtqanda, kez kelgen tutynýshy mobıldi tólem qyzme­tiniń kómegimen óz esep-shottarynan ózine qajetti jerlerge tıisti tólem ja­saı alady. Bul oraıda, eskerte ketetin taǵy bir jáıt, bul qyzmet kúndelikti turmystaǵy usaq-túıek tólemder úshin óte yńǵaıly. Jasy­ratyny joq, jumysbastylyqpen, ıaǵnı ýaqyt tapshylyǵynan, ne bolmasa umytshaqtyqtan keıbir tólemderdi ýaqytynda tóleı almaı qalatyn kezder az bolmaıtyny ja­syryn emes. Qarapaıym ǵana mysal keltireıin. Máselen, ózińizdiń ne­mese balańyzdyń nemese jaqyn týy­syńyzdyń, dosyńyzdyń telefo­nyndaǵy balansy taýsylyp qalǵan kezde, bul tuıyqtan, op-ońaı shyǵýǵa ábden bolady. Banktegi óz esep-sho­tyńyzdan shuǵyl túrde birlik retinde aqsha aýdarý múmkindigi de mol. Elimizdegi qarjy ınstıtýttary arasynda tuńǵysh ret qundy jobany júzege asyrǵan Alıans Banki ınno­vasııalyq sheshimder baǵytyndaǵy izdenisterdi de odan ári arttyra ber­mek. Kópshilikke belgili, Memleket basshysy Nursultan Nazarbaevtyń tapsyrmasymen elimizde Jedel ın­dýstrıaldyq-ınnovasııalyq damý­dyń memlekettik baǵdarlamasy ázir­lengen bolatyn. Al, ınnovasııalar ǵana eńbek ónimdiliginiń shuǵyl artýyna qol jetkizbek. – Sonda bul kómekter qandaı jolmen atqarylady jáne uıaly telefon arqyly tólenetin tólemder túri anyqtalǵan ba? – Eń aldymen tólem qyzmetine uıaly telefonnyń kez kelgen óte qarapaıym markasyn paıdalanýǵa bolatyndyǵyn eskertkim keledi. Tólemder – SMS habarlamalardyń tikeleı kómegimen atqarylady. Ony tańdaýdyń basty sebebi – bul qalyń kópshilik keńinen paıdalanatyn jáne óte qolaıly ádis ekendigine sóz joq, óıtkeni bul júıe qoldaný­shydan arnaýly bilimdi nemese uıaly telefonǵa arnaýly qosymsha qoıýdy talap etpeıdi. HandyPay júıesi qamtıtyn tólemderge kelsek, oǵan qyzmet kórsetetin kompanııalardyń sany qazirdiń ózinde otyzdan asyp ketip otyrǵandyǵy kóp nárseden habar berse kerek. Jáne bul tizim ulǵaıa bermek. Olardyń arasynda Kcell, Activ, Beel­ine, Neo, Dalacom, City jáne basqa uıaly baılanys qyzmetteri jáne “ICON” “Sekatel”, “Alma-TV”, “Jet” sııaqty kabeldi televı­zııa men ınternet baılanysyn usy­natyn kompanııalar bar. Sonymen qatar, kommýnaldyq tólemder boı­ynsha “Kommýnaldyq tólemder ortalyǵy”, “Shyǵysenergotreıdtiń” aqysyn da óteýge bolady. Munymen qosa Almaty tehnologııalyq ýnıver­sı­teti, Halyq­aralyq bıznes akade­mııa­sy sııaqty joǵary oqý oryn­da­ry­na da tólem júıesi ashyq. Atap aı­­tarlyǵy, tólem aýmaǵy munymen ǵana shektelmeıdi. Máselen, oǵan jyl­jymaıtyn múlik salyǵy jáne jer salyǵy, avtokólik salyǵy da enedi. HandyPay qyzmetin paıdalan­ǵysy kelgen tutynýshylar Alıans Bankinde esep-shot ashyp qoıýmen ǵana shektelmeýi tıis. Ol sonymen qatar, mindetti túrde HandyPay jú­ıesine tirkelýi kerek. Bir qup­tar­lyǵy, bul jańa servıs Qazaq­stan­nyń barlyq uıaly baılanys opera­tor­larynyń tutynýshylaryna qol­jetimdi qyzmet júıesi. Klıentter ope­rasııanyń túri, somasy kór­se­til­gen tólem túrin SMS habarla­ma­sy­men 2588 nómirine jiberedi. Sodan soń tólemniń túskenin naqtylaıtyn jaýapty kútýi qajet ekendigi aıtpasa da túsinikti. HandyPay qyzmetine qatysty tolyq aqparatty www.alb.kz nemese www.handypay.kz saıtynan alyp, onymen jan-jaqty tanysýǵa bolady. HandyPay tólem júıesiniń ony paıdalanýshylardyń jeke málimet­terin qorǵaý deńgeıi joǵary eken­di­gin de atap aıtqan jón. SMS arqyly jiberiletin habarlamalarda klıent­tiń tólem kartasy, esep-shotynyń nó­miri, ıaǵnı jeke málimetteri tý­ra­ly esh­qandaı derek kórsetilmeıdi. Son­daı-aq, árbir tólem arnaıy ji­be­­riletin seanstyq kodpen rastal­ǵany shart. – Asqar Dárýshuly, árbir tutynýshy tólem úshin qansha aqsha jumsaı alady nemese oǵan belgili bir shekteý qoıylǵan ba? – Joǵaryda atap aıtylǵandaı, HandyPay qyzmeti shaǵyn tólem­derge arnalǵandyqtan onyń táýlik­tik shekteýi de bar. Munyń ózi qaýip­sizdik maqsatynda jasalǵan shara dep túsiný qajet. Bir táýlik ishinde qyz­metti paıdalanýshy 30 myń teńgeden artyq aqsha jumsaı almaıdy. De­gen­men, qajet bolǵan jaǵdaıda onyń kó­lemin 50 myń teńgege deıin artty­ryp alýyna ábden bolady. Taǵy bir aıta keterlik jáıt, HandyPay qyz­meti sonshama qymbat emes. Qyz­met kórsetý men qyzmetke qosylý tegin júrgiziledi. Klıent tek qana tó­lemder men aýdarymdar úshin aqy­ny bank tarıfterine sáıkes tóleıdi. Elimizde alǵash ret engizilip ot­yr­ǵan jańa joba – HandyPay qyz­meti Qazaqstan aýmaǵynda ǵana ju­mys isteıdi. Sol sebepten de barlyq operasııalar ulttyq valıýta – teńgemen ǵana júrgiziledi. Jańa ónimge SMS qyzmeti bar kez kelgen uıaly telefondy paıdalanýǵa múmkindik mol. Bul oraıda taǵy bir másele, kez­deısoqtyq jaǵdaılardy der kezinde aldyn alý qajettigi árkimge jaqsy belgili. Máselen, oıda-joqta uıaly telefonyńyzdy joǵaltyp nemese urlatyp alsańyz, birden uıaly baılanys operatoryna habarlasý qa­jet. Bul jaǵdaıda atalǵan nómirdiń SIM-kartasyn shuǵyl óshirýdi, son­daı-aq Alıans Bankiniń klıentterdi qoldaý qyzmetine habarlasyp, óz esep-shotyńyzdan uıaly telefon arqyly tıisti operasııalar jasaýdy toqtatýdyń kerektigin eskertken jón. Mundaı is-sharalardan keıin jo­ǵalǵan nemese urlanǵan uıaly telefon arqyly HandyPay júıesimen tó­lemder jasaý tek sizdiń ótinishińizden keıin qaıta iske qosylýy múmkin. Sóıtip, Alıans Banki óz klıentte­riniń tólemder men esep-shottar ar­qy­ly jumysyna arnalǵan jańa ári ut­ymdy jaǵdaılardy jasap, usynýda. – Áńgimeńizge rahmet. Baqyt BALǴARINA, Almaty.