ALMATY. 5 qańtar. Beıjiń qalasynda Qyrǵyzstannyń halyq jazýshysy Shyńǵys Aıtmatovty eske alý keshi bolyp ótti. Bul týraly Qyr TAG agentiginiń silteme jasaǵan egemen.kz tilshisi habarlady.
Keshti Qytaı Halyq Respýblıkasyndaǵy Qyrǵyzstannyń elshiligi uıymdastyrdy. Jıynǵa Aspan asty elindegi qyzmet istep júrgen Qyrǵyzstan azamattary, Qytaıdyń ádebıetshi ǵalymdary, jergilikti qyrǵyzdar qatysty.
Ádebı keshte sóz sóılegender qyrǵyz jazýshysy Shyńǵys Tórequluly Aıtmatovtyń álem ádebıetine qosqan ólsheýsiz úlesi men onyń shyǵarmasyndaǵy fılosofııalyq oı ıirimderi, adamdar arasyndaǵy qarym-qatynas haqyndaǵy tolǵamdary týraly áńgime qozǵady.
Kesh sońynda Shyńǵys Aıtmatov týraly derekti fılm kórsetildi.
Talǵat Súıinbaı.
Derek: egemen.kz.
Sýret: QyrTAG.