ASTANA. 5 qańtar. Gvatemalanyń Eskýıntla shtatyna qarasty Tynyq muhıty jaǵalaýynda salmaǵy 500 kılodan asatyn iri kólemdi esirtki tıegen kater ustaldy. Bul týraly TASS aqparat agenttigine silteme jasaǵan egemen.kz tilshisi habarlady.
Tártip saqshylary bort ishinde árqaısysy 20 kılodan bolatyn 27 qaptyń baryn anyqtady. Tergeý barysynda qylmystyq áreketteri úshin polısııa qyzmetkerleri 4 adamdy tutqynǵa aldy. Olardyń bári Ekvador eliniń azamattary bolyp shyqty. Qamaýǵa alynǵan sheteldikter men tárkilengen esirtki ónimderi jergilikti prokýratýraǵa tapsyryldy. Atalǵan organ zańsyz áreketti tolyǵymen tekserip, naqty sheshim qabyldaıdy.
Aıta keteıik, 2015 jyly jeltoqsan aıynyń sońyna taman atalǵan shtatta 650 kılodan astam kokaın tasymaldaǵan qylmyskerler tutqyndalǵan bolatyn. О́tken jyldyń qorytyndysy boıynsha, tergeý jumystary kezinde polısııa qyzmetkerleri 6 tonnadan astam esirtki ónimderin tárkilegen.
Aıan Ábdýálı.
Derek: TASS.
Sýret: avito.ru.