Keshendi sport saraıy

Munda qysqy jáne jazǵy sporttyń birneshe túrimen jattyǵýǵa múmkindik bar

Byltyr jobalyq quny 3 mıllıard teńge bolatyn sport saraıynyń jurtshylyq ıgiligine berilýiniń arqasynda birqatar qadaý máseleler óz sheshimin tapqany jaıly oblystyq deneshynyqtyrý jáne sport basqarmasynyń basshysy Rýslan ESENALIN áńgimeleıdi. – Rýslan Baqyttyuly, qara­sań kóz súısinetin ári qalanyń shyraıyn asha túsetin keshendi nysannyń iske qosylýy oblys ómi­­rindegi aıshyqty oqıǵa ekeni talassyz. Onyń ashylý sal­ta­na­tyn jurtshylyq qalaı qa­byl­dady? – Dene kúshin jetildirip, salamatty ómir saltyn serik etken jerlesterimizdiń qatary óńi­ri­mizde jyl ótken saıyn molaıyp keledi. Búgingi kúni soltús­tik­qazaq­standyqtardyń 28,2 paıy­zy sportpen aınalysady. Bul – 160 myń adam qamtyldy degen sóz. Olarǵa 2700-ge jýyq sport nysandary qyzmet etkenimen, áli de azdyq qylatyn. Ásirese, gımnasshylar, ak­robatshylar, jeńil atletshiler, kúshtik jekpe-jek zaldary, velotrek alańdary jetispeıtin. Sonyń saldarynan basqa aımaqtarda jat­tyǵýǵa májbúr bolatyn. Jabyq muz aıdynynyń bolmaýy saldarynan hokkeıshiler komandasyn qurý eleýli qıyndyq týdyryp kelgen. Aımaq basshysy Erik Sulta­novtyń tikeleı qoldaýymen tur­ǵyzylǵan sán-saltanaty ke­lisken ámbebap ǵımaratqa eresektermen qatar balalar da qatty qýandy. Sport saraıynyń jobasy boıynsha negizgi úsh blok – jeńil atletıkalyq manej, 1 myń jankúıer tamashalaı alatyn ja­byq muz aıdyny jáne veloshabandozdar mektebi ornalasqan. Soǵan sáıkes shaıbaly hokkeı, konkı, short-trek, shaǵyn fýtbol, voleıbol, basketbol, kúsh jekpe-jegi, taekvondo, dzıýdo, boks sııaqty sport túrlerimen árkim er­kin shuǵyldana alady. Ve­lo­sha­bandozdarǵa laıyqtalǵan eki trek alańy, trenajer, kórkem gımnas­tıka, akrobatıka zaldary jumys isteıdi. Ámbebap sport zaly 500 orynǵa shaqtalǵan. Balalar men jasóspirimderge arnalǵan sport mektepteriniń jeńil atletshileri, gımnasshylary men akrobatshylary, hokkeıshileri buǵan deıin tar jerlerde qysylyp-qymtyrylyp kelse, endi olarǵa da jan-jaqty jaǵdaı jasalǵan. – London Olımpıadasynyń je­ńimpazy, ataqty jerlesimiz Alek­­sandr Vınokýrovtyń jolyn qý­­­ǵan izbasarlardyń da jat­­­tyǵý máselesi sheshilgen bolar? – Iá, qys aılarynda tynymsyz jattyǵý jumystaryn júr­gizetin keń sport zaldarynyń bol­ǵanyna ne jetsin! Budan keıin jas órenderdiń velosportqa qy­zy­ǵýshylyǵy artpa­ǵanda qaı­tedi? О́ńir veloshabandozdary ótken maýsymdy tamasha je­tis­tiktermen qorytyndylady. Eli­miz­diń tór­tinshi spartakıa­da­synda jalpy­komandalyq esep boıynsha je­ńistiń eń bıik tuǵyryna kóterildi. Alekseı Lýsenko álem jeńimpazy atansa, kásibı velo­komandanyń sapynda Rýslan Tileýbaev, Arman Qa­myshev, Bah­tııar Qojataev tamasha óner kórsetip júr. «Astana» qurlyq­tyq komandasynyń múshe­leri Jandos Bıjigitov, Tilegen Maı­dos, Vıktor Okıshev, Vadım Galeev halyqaralyq, respýb­lıka­lyq saıystarda top jardy. Azııa oıyndarynyń kúmis júldegeri Oleg Zemlıakov bolasha­ǵynan úlken úmit kúttiredi. Ve­losport mektebi jumys istegen 17 jyl bederinde 1 eńbek sińirgen sport sheberi, 5 ha­lyqaralyq dárejedegi sport sheberi, 20-ǵa jýyq Qazaqstannyń sport sheberi ázirlendi. Jýyrda elordalyq «Astana Pro Team» velokomandasymen eki jyl kelisimshart jasasqan Bahtııar Qojataevqa ha­lyqaralyq dárejedegi sport sheberi kýáligi tapsyryldy. Konkıshilerimiz ben akro­bat­­shy-gımnasshy­larymyzdyń eren tabystary qalaı ulyqtasaq ta ja­rasady. Oǵan halyqaralyq dáre­jedegi sport sheberleri Roman Krech pen Dmıtrıı Babenkonyń kon­kımen syrǵanaýdan el me­reıin ósirip júrgenderi dálel. Roman Sochı Olımpıadasynda 500 metr qashyq­tyqta 7-shi oryndy ıemdenip, ult­tyq rekordty jańartsa, Ger­manııada álem kýbogynyń kezekti kezeńiniń jeńimpazy boldy. Olesıa Koly­sheva kórkem gımnastıkadan, Vıtalıı Del akrobatıkadan halyq­­aralyq dodalarda jasyndaı jarqyrap júr. – Aıtpaqshy, jeńil atlet­shi­­miz Irına Ektova bıylǵy Olım­­pııa oıyndaryna lısenzııa utyp alǵan joq pa? – Iá, Rıo de Janeıro qala­synda ótetin baıraqty básekege qatysatyny bárimiz úshin zor qýa­­nysh. Ol Qazaqstannyń jas­tar birinshiliginde úsh qarǵyp sekirýden 14,32 metr nátıje kór­setip, qarsylastarynan basym shyq­ty. Munyń aldynda ataqty jelaıaq Ǵ.Qosanovty eske alýǵa arnalǵan halyqaralyq jarysta birinshi oryndy jeńip alǵan bolatyn. Jeńil atletshiler Margarıta Muqashevanyń, Irına jáne Ev­genıı Ektovtardyń, veloshabandozdar Alekseı Lýsenkonyń, Ar­tem Zaharovtyń, Natalıa Saı­fýt­dınovanyń, ziltemirshi Aıdar Qazovtyń Olımpıadaǵa barý múmkindikteri mol. Sóz arasynda soltústik­qazaq­standyq sportshylardyń 16 álemdik, 15 azııalyq, 48 halyq­aralyq, 154 elishilik jarystarǵa qatysyp, jalpy jıyntyǵy 530 medal utyp alǵanyn, olardyń 194-i olımpıadalyq sport túrlerine jatatynyn aıta ketken jón. Ha­­lyqaralyq, respýblıkalyq bá­sekelerde úzdik kórsetkishterge jetip júrgen 90 sportshy oblys ákimi shákirtaqysynyń ıegerleri. 6 jattyqtyrýshy men sportshy páterlerge qol jetkizdi. Burnaǵy jylǵa qaraǵanda sport nysandary 374 birlikke kó­beıip, sport alańdarynyń tap­shylyǵy aıtarlyqtaı azaıdy. Sha­­ǵyn fýtbol alańdary men hokkeı korttary kóptep salyndy. 3 sport klýby quryldy. Soltústik Qazaqstan kásiptik-teh­­nı­kalyq kol­ledji janynan «sport jónindegi jattyqtyrýshy» bólimi ashylyp, 75 stýdent bilim alady. Olardyń 35-ine ákimniń shákirtaqysy tólenedi. Bıylǵy jyly Novonıkolskoe jáne Ja­ńa­­jol eldi mekenderinde deneshy­nyqtyrý-saýyqtyrý keshenderi boı kóteretin bolady. Kishkenekól aýylynda osy úlgidegi nysannyń jobasy jasaldy. – Eski jylǵa ókpemiz joq, ja­ńa jylda kóńilimiz toq bolsyn.  Áńgimelesken О́mir ESQALI, «Egemen Qazaqstan». Soltústik Qazaqstan oblysy.