Memleket basshysy Nursultan Nazarbaevtyń «Ult Jospary – qazaqstandyq armanǵa bastaıtyn jol» atty kólemdi maqalasynda elimizdiń sot júıesin jetildirý men kemeldendirýge baılanysty «Quqyq tártibi jáne zańdylyq» degen tutas bólim arnalýy beker emes. Qazirgi kezde Ult Josparynyń 100 naqty qadamy men jýyrdaǵy Qazaqstan halqyna Joldaýynan týyndaıtyn mindetterdi júzege asyrýda bul jarııalanymnyń mańyzy zor. Biz álemniń damyǵan 50 eliniń qatarynda bolýdy kózdep otyrǵan elmiz. Bul – eń uly qazaqstandyq arman! Osy jolda sot salasy da kesheýildemeı, keıin qalmaı, úzdiksiz damýy tıis.
Osy oraıda 1 qańtardan bastap sottyń qurylymy bes satydan úsh satyly júıege ótti. Bul eń aldymen, eldiń ıgiligi úshin jasalǵan qadam. «Barlyǵyn kadr sheshedi» degen ejelgi qaǵıda áli kúshinde. Sondyqtan, sottarǵa qoıylatyn talaptyń kúsheıýi, sýdıaǵa úmitkerlikke qoıylatyn talaptyń ósýi kóp jaıtty baıqatady. Buryn 25 jasqa kelgen azamat joǵary bilimdi bolyp, emtıhandy tapsyra alsa, jumystan tys úsh aıǵa deıin tájirıbeden ótip sýdıa atansa, búginde bul talap qatańdatyldy. Kez kelgen tájirıbeden ótýshi sýdıa bir jyl eńbek etedi. Sodan keıin baryp, bir jylǵa taǵaıyndalady. Bir jyldyń ishinde sýdıanyń qabilet-qarymy taǵy synalady. Osydan soń oblystyq sottyń jalpy jıynynda oǵan bilikti sot mamandary tarapynan baǵa beriledi. Senim artylǵan jaǵdaıda ǵana Joǵary keńes sýdıany turaqty qyzmetke taǵaıyndaıdy. Bul búginde sot qyzmetine keletin azamattardyń barshasyna qoıylyp otyr. Osy sııaqty jańartylǵan zańnamalar qoǵamnyń sot júıesine senimin arttyrady.
Jalpy, Elbasy ár kásipti tereńnen bilý úshin kez kelgen qyzmetti tómengi satydan bastaý týraly aıtyp keledi. Byltyr atalyp ótken Qazaq handyǵynyń 550 jyldyǵynda bul másele tarıhı tájirıbe ekenin taǵy bir túısindik. Máselen, Qazaq handyǵynyń dáýirinde bala bıler boldy. Iаǵnı, bizdiń sóz ustaǵan ataqty, dańqty bılerimiz jastaıynan kózge túsken bala bılerdi janyna ertip júrip, synaqtan ótkizgen, keleshekte izin basar shákirt retinde tárbıelep, baýlyǵan. Osynaý kóne tarıhı qaınarymyzdan bastaý alyp, bite qaınasyp jatqan sot júıesine engizgen reformalyq ózgerister Prezıdentimizdiń parasaty men paıymyn kórsetedi.
Memleket turaqty damýy úshin sot bıligi qýatty bolýy qajet. Bul memleketimizge qarjy quıýǵa qolaıly klımat jasaıdy. Osy oraıda Elbasy bastamasymen ınvestısııalyq sot quryldy. Ekonomıkalyq ósimdi qamtamasyz etý úshin memlekettik qurylym men sheteldik ınvestorlar kelisimi nátıjesinde elimizge qanshama qarajat quıylyp jatyr. Atalǵan zańnama arqyly ınvestorlar quıǵan qarjysynyń ustaǵannyń qolynda, tistegenniń aýzynda ketpeıtinine, elimizde zańnyń ústemdik etetine kózderi jetedi. Sonda ǵana elimizge ınvestısııa salynady. Iаǵnı, Elbasy otandyq sot júıesine qazirgideı qarjylyq daǵdarys kezeńinde ekonomıkany nyǵaıtýdy tapsyryp otyr. Bul elimizdiń ınvestısııalyq klımatyn jaqsarta túsedi.
«Kerýen basy myqty bolsa, túıesi azbaıdy, qolbasy myqty bolsa, sarbazy tozbaıdy» degendeı, osyndaı qıyn-qystaý kezeńde eldi erteńgi kúnge senimmen bastap kele jatqan Elbasy bas basylymdaǵy maqalasy arqyly qadaý-qadaý mindetter júktep otyr. Qazirgi jaǵdaıda bar máseleniń sheshimi – ekonomıka. Osy ýaqytqa deıin qol jetkizgen tabystarymyzdy joǵaltpaı, súıem qarys bolsa da alǵa jyljýymyz qajet. Sondyqtan, Prezıdentimizdiń maqalasy – kúrdeli kezeńniń maqsat-mindetterin naqtylaǵan qundy strategııalyq jarııalanym.
Dosjan ÁMIROV,
Shyǵys Qazaqstan oblystyq sotynyń tóraǵasy.
О́SKEMEN.