Sózden iske kóshý kerek

«Egemenge» shyqqan Elbasy maqalasyn oqyp shyqtym. Maqala «Ult jospary – qazaqstandyq armanǵa bastaıtyn jol» dep atalypty. Biz ózimizdiń qazaqstandyq armanymyzdyń oryndalýyna jáne elimizdiń órkendeýine senimdi túrde qol jetkizetin bolamyz degen sózder, árıne, maqalany oqyp shyqqan ár qazaqstandyqqa oı salýy kerek dep oılaımyn. Bul maqala – halyqqa ar­nalǵan Joldaýdyń jalǵasy retinde taǵy da elimizdiń erteńin, damý josparyn anyqtap beretin mańyzdy saıası qujat. Bul Ult Jos­pary qazaqstandyqtardyń damýy men elimizdiń bolashaǵyna arnalyp otyr. Birinshiden, «Bilim berý, den­saý­lyq saqtaý jáne halyqty áleýmettik qorǵaý salalaryn reformalaý adam áleýetiniń sapasyn arttyrýǵa jaǵdaı jasaıdy. Bilim berý salasynda mektepke deıin jáne mektepte bilim berýdiń jańa úılestirilgen standarttaryn ázirleý jáne bekitý boıynsha jumystar júrgizilýde. Bilim berý úsh tilde – qazaq, orys jáne aǵylshyn til­derinde júrgiziledi», delinedi maqalada. Bul sapaly bilim jáne batyl reformalar arqyly álemniń 30 damyǵan elder qataryna elimizdiń enýi, ǵylym jáne ekonomıka, turaqty qarqyndy damyp kele jatqan naryq qurý degen sóz. Kezinde Alash zııalylary: ­­«…­Jurt­ isinen kimge de bolsa jumys ta­by­lady. Árkim áli keletin jumys al­syn. Jadymyzda bolsyn. Az nárse kópke sep bolmaqshy», dep úndeý tastaǵan edi. Bul sóz – búgin de ózekti. Kez kelgen ıntegrasııa aldymen bilim, ǵylym, ıntellektýaldyq bá­­sekelestikten shyǵady. Básekelestik talabyna saı bilim berý men ǵy­lymdy ıgerýdiń zamanǵa laıyq úlgisi, jastardy tárbıeleýdiń mem­lekettik tujyrym men ustanymdar «Qazaqstan-2050» strategııalyq josparynda bar. Elbasynyń usynysymen qabyl­danǵan «Nurly Jol» baǵdarlamasy, «100 naqty qadam» Ult Jospary osy mańyzdy stra­tegııany júzege asy­rýǵa baǵyt­talǵan. Bizdiń ýnı­versıtet údemeli ınnovasııa­lyq ındýstrııalandyrý baǵdar­lamasyna mamandar daıarlaıtyn 10 joǵary oqý ornynyń qataryna qosyldy. Sapaly bilim berý úrdisinde elimizdiń ekonomıka­syn damytýǵa, bolashaq jas mamandy jumysqa aldyn ala ornalastyrý, básekelestikke qabilettilikti art­tyrý baǵytynda jumys jasaýdamyz. Ekinshiden, kóptildiliktiń bola­shaqta jastardyń mádenı deńgeıiniń kórsetkishine aınalatynyn Elbasy únemi aıtady. Bul osy maqalada da aıtyldy. Ýnıversıtette tilderdi úıretý oqý ortalyǵy ashyldy. Árbir stýdent oqý ornynan patrıot retinde, Otanyn, elin súıgen maman bolyp qalyptasyp shyǵýy tıis. «Máńgilik El» ıdeıasy mine, osy úshin qajet. .Iаǵnı, tek qana ekonomıkalyq maqsatta álemdik qatarǵa qosylý emes, eń aldymen, bilim berý jáne saıası damý arqyly kórinýimiz qajet. «Kez kelgen eldiń beriktigi eń aldymen moral, bilim berý jáne mádenıeti joǵary deńgeıimen anyqtalady», dep Elbasynyń bul sózderdi jıi qaıtalaıtyny da son­dyqtan. Maqalada atalyp ótken 59 zań elimizdiń ıgiligi úshin qabyldandy. Elba­synyń maqalasynda bes re­formanyń árqaısysyna jan-jaqty taldaý jasalyp, is-qımyl baǵdary aıqyndaldy. Bıýrokrattyq shyǵynsyz ekonomıkaǵa qadam basý arqyly salyqtyq jáne kedendik ákimshilik júrgizýdi jaqsartýǵa baǵyttalǵan sharalar iske asady. Úshinshiden, memleket fýnksııalary básekeles ortaǵa jáne jergilikti ózin-ózi basqarýǵa beriledi. Elbasy aıtqandaı, qazir bizge sózden iske kóship, jumys jasaý kerek, oryndalý nátıjesin kútý qajet. Ekonomıka ǵana emes, endi memleketti, qoǵamdy, ortany jańǵyrtý ıdeıalaryn qol­ǵa alýǵa kóshkenimiz durys boldy. Reformalardyń oryndalýy úlkendi-kishili basshylarǵa baılanysty. Aldymen patrıottyq sezimi kúshti, ana tilin qurmetteıtin, rýhanı baı, kúndelikti ómirde ne bolyp jatqanynan habardar memlekettik qyzmetshiler kerek bizge. Jumabek OMAROV, Sultanmahmut Toraıǵyrov atyndaǵy memlekettik ýnıversıtettiń oqytýshysy. PAVLODAR.