«Ár urpaqtyń óz armany bar, olarda tek jeke jáne otbasylyq ıgilikterge ǵana umtylys kórinis tappaıdy. Olarda qashanda týǵan jerge degen súıispenshilik sezimi, óz halqy men Otanynyń baqyty týraly ańsar aıqyn kórinedi. Ata-babalarymyzdyń kóptegen urpaqtary úshin Qazaqstannyń Táýelsizdigi asyl arman bolyp keldi. Biz olardyń azat jáne táýelsiz Otandy ańsaǵan kópǵasyrlyq qııaldaryn is júzine asyrdyq. Biz qazirgi qazaqstandyqtar úshin Táýelsizdik kópetnosty qoǵamymyzdyń naqty joǵary ómirlik qundylyǵyna aınaldy. Biz osydan bar-joǵy shırek ǵasyr buryn ǵana barlyq aqyl-oıymyz ben júregimizdi baýrap alǵan kóptegen oı-nıetterimizge qol jetkizdik».
Iá, Elbasy Nursultan Nazarbaevtyń «Egemen Qazaqstannyń» keshegi sanynda jarııalanǵan «Ult Jospary – qazaqstandyq armanǵa bastaıtyn jol» maqalasyn dál osylaı bastaýynyń birneshe sebebi bar. Shynynda da, táýelsizdikti babalarymyz ǵasyrlar boıy ańsady. Qazaq eliniń keleshegi úshin o sheti men bu shetine kóz jetpeıtin ulan-ǵaıyr dalany búgingi urpaǵyna qaldyrý úshin qanyn da tókti, janyn da berdi. Elimiz táýelsizdik alǵan tusta Qazaqstannyń bolashaǵyna kúmánmen qaraýshylar kóp edi. О́ıtkeni, sol tusta el ekonomıkasy tórttaǵandap jatyr edi. О́nim óndirmek túgili jalaqy men zeınetaqyny ýaqytynda tóleý muń bolatyn. Jumys oryndary álsin-álsin qysqaryp jatty. Shekaramyz da ashyq bolatyn. Tipti, ózimizdiń ulttyq valıýtamyz da bolmady.
Bul – budan shırek ǵasyr burynǵy jaǵdaı. Al qazir she? Iá, qazir táýelsiz Qazaqstanymyz qaryshtap damydy, álemge tanyldy. Árıne, búgingi baqýatty turmysqa, jańarǵan, jańǵyrǵan ekonomıkalyq dúmpýge bir kúnde qol jetkizdik desek, artyq aıtqandyq bolar. Shyn máninde, o bastan azattyqty ańsaǵan el-jurt Nursultan Nazarbaevqa zor úmit artyp, táýelsiz Qazaqstandy órkenıetti memleketterdiń qataryna qosaryna senim bildirdi. Bul senim – elim deıtin Erge kórsetilgen senim edi. Senimdi aqtaý kóshbasshylyq qasıeti bar azamattyń ǵana qolynan keledi. Elbasy eldiń senimin aqtaý úshin kúndiz kúlkiden, túnde uıqydan aıyryla júrip, eńbek etti. Otandyq ekonomıkany damylsyz damytý úshin shetel ınvestorlaryn Qazaqstanǵa ınvestısııa salýǵa shaqyrdy.
Mine, eldiń álemdegi abyroıyn, ana tilimizdiń mártebesin osylaı kótergen Nursultan Nazarbaev Qazaqstandy álemdegi eń ozyq 30 eldiń qataryna engizý maqsatyn kózdep keledi. «Egemen Qazaqstan» gazetiniń keshegi sanynda jarııalanǵan «Ult Jospary – qazaqstandyq armanǵa bastar jol» maqalasynda naqty baǵyttardy aıqyndap berdi. Bul jospardyń iske asaryna esh kúmánimiz joq. О́ıtkeni, bizdiń sheteldiktermen teń dárejede básekeles bola alatyn ulttyq mamandarymyz bar. DSU-ǵa múshe elder rynogyna eksporttaı alatyn eń sapaly ónimderimiz bar. Álem elderiniń kóbiniń qoly jete qoımaǵan Japonııa, Koreıa, Chehııa kólikteri de ózimizde qurastyrylady. Temirjol salasynyń lokomotıvteri men jaıly vagondaryn ózimiz shyǵara alamyz. Bizdiń sheber qoldy qyz-kelinshekterimiz qaly kilemderdi de toqıdy, álemdik brendterden kem túspeıtin kıimderdi tigedi. Eń tereń munaı uńǵymalaryn burǵylaıtyn qondyrǵylardy shyǵarýdy qolǵa aldyq. Teńizdiń asaý tolqyndarynda shaıqalmaı júzetin kemelerimiz de ózimizdiki.
Ult Jospary – barshamyzdyń armanymyzdy iske asyrýǵa jol ashatyn keshendi qujat. Elbasy memlekettik qyzmettiń ashyqtyǵyn qalap otyr. Shaǵyn jáne orta bıznestiń órken jaıýy úshin «Salyq týraly» kodeksti jańǵyrttyrdy. Qarapaıym jumysshynyń múddesin qorǵaıtyn «Eńbek týraly» kodekstiń jańa nusqasyn engizdi. Eń bastysy – kópetnosty elimizdegi turaqtylyqtyń býynyn bekitti. Ulttyq qundylyqtarymyzdan bastaý alǵan táýelsizdigimizdiń ómirlik qundylyqqa aınalýyna negiz qalady. Munyń syrtynda tarıhymyz buryn beımálim bolyp kelgen tyń derektermen tolyǵyp jatyr. Mádenı muramyz jańǵyryp, ulttyq ónerimizdiń abyroıy asqaqtady. Jastardyń otanshyldyq sezimi oıandy. Osynyń bári barshanyń bıik muraty – Ult Josparynda naqty kórinis taýyp otyr. Demek, biz aldaǵy ýaqytta da bıikke umtylyp, asqaq murattarǵa qol jetkizemiz.
Ábilhan TО́LEÝIShOV,
halyqaralyq «Qazaq tili»
qoǵamy Atyraý oblystyq fılıalynyń tóraǵasy.
ATYRAÝ.