ASTANA. 7 qańtar. Shved koroldigi akademııasynyń arhıvi óziniń qupııa saqtaý erejesine sáıkes, 1965 jyly Nobel syılyǵynyń ádebıet salasy boıynsha nomınant bolǵandardyń kimder ekenin jarııalady. Bul týraly Lenta.ru aqpary negizinde egemen.kz tilshisi habarlady.
Akademııa arhıviniń qujattary olardy Fransııada turatyn orys jazýshysy Vladımır Nabokov, Chılı aqyny Pablo Nerýda jáne argentınalyq Horhe Lýıs Borhes quraǵanyn kórsetip berdi. Bulardyń arasynan tek Pablo Nerýda ǵana keıin, 1971 jyly osy syılyqqa qol jetkize aldy.
Syılyq berý jónindegi túpkilikti sheshimdi shyǵaratyn akademııa óziniń erejesi negizinde nomınant atanǵandarymen, laýreatttyqqa qol jetkize almaı qalǵan qalamgerlerdiń aty-jónderin 50 jylǵa deıin qupııa ustaıdy. Tek osynsha ýaqyt ótkennen keıin ǵana talasqa túsken úmitkerlerdiń tolyq quramyn jarııa etedi. Osylaısha bizge 1965 jylǵy kandıdattar qatarynda, joǵaryda atalǵandardan bólek, brıtanııalyqtar Ýısten Hıý Oden, Lorens Darrel, Leslı Poýlz Hartlı, Sommerset Moem jáne Alan Sıllıtoý turǵany da endi málim bolyp jatyr. Bulardyń arasynan birde-bireýi Nobel syılyǵyn ala almady. Tek sol jyly nomınant bolǵan ırland jazýshysy, aqyny, dramatýrgi Semıýel Bekket keıinirek, 1969 jyly báribir syılyqtyń ıegeri atanady.
Keńes jazýshysy Mıhaıl Sholohov atalmysh syılyqty «Tynyq Don» trılogııasy úshin aldy. Onyń aldynda, 1958 jyly keńestik taǵy bir qalamger – Borıs Pasternakqa osy syılyq berilgen bolatyn. Biraq jazýshy keńestik ıdeologııanyń qysymy saldarynan odan resmı túrde bas tartty.
Talǵat Raıymbek.
Derek, foto: Lenta.ru.