QARAǴANDY. 8 qańtar. Qaraǵandy oblystyq ishki ister departamenti jergilikti polısııa qyzmetiniń bastyǵy bolyp polısııa polkovnıgi Jalǵasbaı Jaqaev taǵaıyndaldy. Bul týraly atalǵan vedomstvo baspasóz qyzmetiniń aqparatyna silteme jasaǵan egemen.kz tilshisi habarlady.
Polkovnık Jaqaev ishki ister organdarynda 30 jyldan astam ýaqyt qyzmet etip keledi. Ýchaskelik ınspektor, tergeýshi bolǵan, oblystyń tergeý bólimshelerinde basshy qyzmetter atqarǵan.
Osy taǵaıyndaýǵa deıin 51 jastaǵy Jalǵasbaı Jaqaev Sátbaev qalalyq ishki ister bólimin basqaryp keldi.
Eske salar bolsaq, mýnısıpaldyq polısııanyń negizgi mindeti - qoǵamdyq tártipke bas-kóz bolý.
Qaırat Ábildınov.
Derek, sýret: egemen.kz.