Qonjıtyp qoıa salǵannan zııan shektik

Prezıdent belgilep bergen Ult Jospary búginde naqty is-qımylǵa, kúndelikti ádet-tártibimizge aınala bastaǵanyna kýá bolyp otyrmyz. Osy oraıda aıtaıyn degenim, bizdiń bala kezimizde arman degen uǵym men túsinik jeke adamǵa, jasóspirim qyz-bozbalaǵa telinip aıtylatyndaı kórinetin. Osy joly Elbasy bul uǵym­nyń aýqymyn tutastaı memle­kettik deńgeıge kóteripti. Onyń jańasha mazmuny qazaqstandyq arman delingen. Eger jeke adam óz aldyna arman-maqsat qoısa, bul qoǵamnyń ıgiligi úshin qalanatyn bir kirpishtiń basy bolsa, tutastaı qazaqstandyq arman alǵa qoıylsa, bul keshegi kúni Mem­leket basshysy taıǵa tańba basqan­daı etip atap kórsetkendeı, HXI ǵasyr­da kóshbasshy otyz memlekettiń qata­rynda bolýǵa qol jetkizetin jol eken. Álemdegi memleketter damýy­nyń arǵy-bergi tarıhyna kóz júgirtsek, memlekettiliktiń qalyptasýy asa kúrdeli ári uzaq úderis ekenin baǵamdaı alamyz. Osy arada memlekettik apparatty kásibılendirý jónindegi másele qaı kezde de birinshi orynǵa qoıylyp kelgenine kóz jetkizý qıyn emes. Buǵan qol jetkizýdiń basty faktorlarynyń biri – memlekettik qyzmetshilerdiń óz ornyna laıyqtylyǵy. Kez kelgen memlekettiń dińgegin shaıqaltatyn artyq salmaqtar, artyq ballas­tar, ortaq iske óz úlesin qospaı bosqa jú­retinder deýge bolady. Buǵan deıin­gi tájirıbege mundaı toptaǵylar memle­kettik apparattarda jıirek kez­des­keni jasyryn emes. Elbasynyń keshegi ula­ǵatty sózinen túsingenim men túı­sin­genim aldaǵy ýaqytta mun­daı jaǵdaıǵa jol berilmeıtin bolǵandyǵy. Jasyratyn nesi bar, táji­rıbesi bar ma, joq pa, adamdarmen ortaq til tabysyp qyzmet jasaı ala ma, álde ózine tapsyrylǵan isti aqsatyp jibere me, muny eskermesten áldebireýlerdi memlekettik qyzmetke qonjıtyp qoıa salatyn kórinister oryn alǵanyna el-jurt kýá. Endi bulaı bolmaıtyny biz sekildi aǵa býyn ókilderiniń janyna maıdaı jaǵyp otyr. Kásibı bi­­­liktilik degen asa mándi másele alǵa qoıy­lypty. Muny qalaısha qoldamasqa?! Meniń oıymsha, sońǵy ýaqytta ómirlik jáne óndiristik tájirıbe de­gen másele ekinshi, úshinshi, tipti, sońǵy kezekke ysyrylyp qalǵan­daı kórinetin. Soǵan ishteı qapalaný­shy edim. Biz sekildi aǵa býyn ókil­deriniń osy ishki oıyn Elbasymyz­dyń tap basqanyna qaıran qalyp otyrmyn. Tómendegi istiń jaı-kúıin bilme­gendikten, memlekettik qyzmetti aqsatatyndar kezdesip júrgeni ras. Munyń basty bir sebebi, bıik laýazymǵa birden qon­jııa qalǵandyqtan bolatyndyǵy da ómir­diń shyndyǵy. Bul arada tamyr-tanys­tyq arqyly osyndaı teris kóri­niske jol beriletindigi de ras. Aldaǵy ýaqytta belgilenip otyr­ǵan konkýrstyq negiz mundaı teris qubylystarǵa tosqaýyl qoıa alatynyna kúmán keltire almaımyn. Sondaı-aq, memlekettik qyzmetshige eńbekaqy tóleý júıesi onyń biliktiligi men atqaratyn jumysynyń sıpatyna jáne kólemi men nátıjesine baılanys­ty ekeni de memlekettik apparatty kásibılendirýdiń basty sharty bola alady. Prezıdent Nursultan Nazar­baev­tyń buǵan deıin belgilengen Ult Josparyna qatysty qoıylǵan jańa talap­tary men mindetterine oraı kó­keıge kelgen keıbir oılarym osyndaı. Ýálıolla ÁBIShEV, Kaztalov aýdandyq ardagerler keńesiniń tóraǵasy. Batys Qazaqstan oblysy.