ASTANA. 9 qańtar. Mysyrdaǵy qonaqúıdiń birine sodyrlar shabýyl jasap, saldarynan sheteldik azamattar zardap shekti. Bul týraly 24.kz habarlady.
Eki lańkes Mysyrdyń Hýrgad kýrortty qalasyndaǵy qonaqúıge shabýyl jasaǵan. Derek kózderge súıensek, olar qonaqúıge restoran arqyly kirip, sheteldik týrısterge qoqań-loqqy kórsetken. Saldarynan eki Avstrııa jáne bir Shvesııa azamaty zardap shekken.
Aıta keteıik, jergilikti polıseıler oqıǵa ornyna der kezinde jetip, bir sodyrdy atyp tastaǵan. Al ekinshisi atys kezinde aýyr jaraqat alǵan. Qazirgi tańda lańkesterdiń qaı uıymnan ekeni anyqtalý ústinde.
Talǵat Raıymbek.
Derek, sýret. 24.kz.