ASTANA. 9 qańtar. Qyzylorda oblysy ákiminiń 2016 jylǵy 5 qańtardaǵy ókimimen oblystyq ishki ister departamenti jergilikti polısııa qyzmetiniń bastyǵy bolyp Qoblandın Qalıjan Jeńisbekuly taǵaıyndaldy. Bul týraly kyzylorda-news.kz habarlady.
Qalıjan Qoblandın 1980 jyly Qyzylorda oblysy, Syrdarııa aýdanynda týǵan. Ol 2001 jyly M.H. Dýlatı atyndaǵy Taraz memlekettik ýnıversıtetin jáne 2006 jyly Reseı Ishki ister mınıstrliginiń akademııasyn bitirgen. Mamandyǵy – zańger.
Eńbek jolyn 2002 jyly Batys Qazaqstan oblysy Ishki ister basqarmasynyń ekonomıkalyq qaýipsizdik bóliminiń jedel ýákili retinde bastaǵan. 2010-2014 jyldary Mańǵystaý oblysy Túpqaraǵan aýdany ishki ister bóliminiń bastyǵy, kóliktegi ishki ister departamentiniń ákimshilik polısııa basqarmasynyń jelilik polısııa pýnktterine basshylyq etý bóliminiń bastyǵy qyzmetterin abyroıly atqarǵan. Sondaı-aq, ol 2014 jyldan osy kezge deıin Jalaǵash aýdandyq ishki ister bóliminiń bastyǵy laýazymynda qyzmet etken.
Talǵat Raıymbek.
Derek, sýret: kyzylorda-news.kz.