ASTANA. 9 qańtar. Elordada Ulttyq ulannyń 230-ǵa jýyq sarbazy áskerı ant qabyldady. Bul týraly 24.kz habarlady.
Ant qabyldaý rásiminde ofıserler tarapynan jas sarbazdarǵa tynyshtyq pen turaqtylyqty saqtaýda óz qyzmetin abyroımen atqarý jaıy keńinen aıtyldy. Sondaı-aq, bólim komandırleri «Anttan attaǵany – ardan attaǵany» degendi alǵa tartyp, otan aldyndaǵy boryshty óteýde adal bolýǵa shaqyrdy.
Ulttyq ulan 3660 áskerı bóliminiń komandıri Marat Árinov: «Ata-babalarymyzdan kele jatqan bul áskerı ant qabyldaý bizdiń qanymyzǵa sińgen shart bolyp sanalady. Sondyqtan Ulttyq ulannyń árbir sarbazy antyna adal, Otan aldyndaǵy mindetin abyroımen atqarady dep senemin», – dedi.
Aıta keteıik, ant qabyldaǵan jaz sarbazdar Astana, Mańǵystaý jáne Qaraǵandydan shaqyrylǵandar. Olar óz kezeginde áskerı borıshyn abroıyly ótep, eldiń qorǵany bolatyndaryn jetkizdi.
Talǵat Raıymbek.
Derek, sýret: 24.kz.