PAVLODAR. 11 qańtar. «Jas Otan» jastar qanaty oblystyq keńesiniń otyrysyna óńirdiń jastar jáne stýdenttik uıymdarynyń kóshbasshylary, «Jas Otannyń» qalalyq, aýdandyq bólimsheleriniń jetekshileri qatysty. Bul týraly egemen.kz tilshisi habarlady. Otyrys barysynda 2015 jyldyń qorytyndylary tyńdalyp, Elbasy Joldaýy talqylandy. Bıylǵy jyldyń jospary jasalyp, jastar ortasyndaǵy qoǵamdyq monıtorıng erejeleri talqyǵa tústi.
О́tken jyly «Jas Otanǵa» myńnan astam múshe qabyldandy. Jastar 300 astam zeınetkerlerge kómek kórsetti. Sondaı-aq, óńir órenderi ótken jyldyń qarasha aıynda «Blogger-áje» jobasyn uıymdastyrdy. Qarttar úıinde «Kúzgi bal» ótkizdi.
Taǵy bir aıta keterligi, oblystyq fılıal janynan 2017 jylǵy Qysqy Ýnıversıada eriktilerin daıarlaýdyń aımaqtyq Shtaby jumys jasaýda. Qazirgi tańda Shtab volonterleriniń sany 163 adamǵa jetti. «Jas Otan» eriktileri óńirdiń qoǵamdyq mańyzy bar sharalaryna belsendi qatysady. Bıyl 78 volonter Baıanaýyldyń Sátbaev, Qarasha jáne Teńdik aýyldarynda tasqyn sýdyń zardaptaryn joıýǵa kómektesti. Oblys jastar kóshbasshylaryna arnalǵan «Jastar – Otanǵa!» etnosaıası lageri ótkizildi.
Farıda Byqaı.
Derek, sýret: egemen.kz.