PAVLODAR. 11 qańtar. Sultanmahmut Toraıǵyrov atyndaǵy memlekettik ýnıversıtette qysqy demalys kezinde mektep oqýshylaryna arnalǵan aptalyq oblys ortalyǵyndaǵy «Geografııa úıiniń» bastamasymen ótýde. Bul týraly egemen.kz tilshisi habarlady.
Geografııalyq aptalyqta norvergııalyq ǵalym jáne saıahatshy Týr Heıerdaldyń 1947 jylǵy ekspedısııasy jaıyndaǵy «Kon-Tıkı» (Norvegııa) kórkem fılmi kórsetildi. Geografııa úıiniń dırektory A. Vervekın fılm týraly qyzyqty derekter jáne saıahatshy Týr Heıerdaldyń ómiri men saıahattary jaıynda áńgimelep berdi. Oqýshylar Oslo – Bıýgdeı túbegindegi «Kon-Tıkı» mýzeıinen ákelingen zattar kórmensin tamashalady.
Aptalyq sońyna qaraı oqýshylar «Everest» (AQSh, Ulybrıtanııa, Irlandııa) kórkem fılmi, Shoqan Ýalıhanov» (Qazaqstan) derekti fılmi, Bı-Bı-Sı usynǵan «Jer planetasy» (Ulybrıtanııa) derekti fılmi jáne «Ertis kúnine arnaý – uly ózen týraly» jáne «Qaz qonaq: keshe, búgin, erteń» (Qazaqstan) atty derekti fılmder kóre alady.
«Bul jobanyń balalar úshin mańyzy zor. Geografııalyq fılmder kórsetilimi arqyly oqýshylar týǵan jerden bastap-búkil planetany tanyp-bilýge baǵyttalyp otyr. Tanym arqyly olardyń óz eline, jerine degen súıispenshiligi artady», – deıdi Aleksandr Vervekın.
Farıda Byqaı.
Derek: egemen.kz.
Sýret: Rýfına Torpısheva.