ATYRAÝ. 11 qańtar. Keshe Atyraý halyqaralyq áýejaıyna «Máskeý-Almaty» baǵytyna qatynaıtyn ushaq jedel qonýǵa májbúr boldy. Bul týraly Tengrinews.kz aqparat agenttigine silteme jasaǵan egemen.kz tilshisi habarlady.
«Eır Astana» avıakompanııasyna tıesili ushaqtyń Atyraýdaǵy halyqaralyq áýejaıǵa shuǵyl qonýyna tehnıkalyq aqaý sebep bolǵan. Bul Máskeýdiń Sheremetevo áýejaıynan Almatyǵa qatynaý úshin áýege kóterilgen. Alaıda, shamamen bir saǵattan soń tehnıkalyq aqaý bary anyqtalǵan. Keı derekterge qaraǵanda, bort ishinde tútin baıqalǵan. Osyǵan oraı shuǵyl qoný datchıginen dabyl iske qosylǵan.
Avıakompanııa alǵashynda aqaýly ushaqtyń jolaýshylaryn Almatyǵa eki reıspen jetkizýge sheshim qabyldaǵan. Alaıda, Almatydan jetken ushaqpen barlyq jolaýshy dittegen jerlerine jetkizildi.
Joldasbek Shópeǵul.
Derek: egemen.kz.
Sýret: newskaz.ru.